झुलेनी नेटवर्क२०८१ श्रावण ७
२०८१ श्रावण ७लुम्बिनी प्रदेशका मुख्यमन्त्री नेकपा एमाले संसदीय दलका उपनेता चेतनारायण आचार्य हुने भएका छन् । यसअघि संसदीय दलका नेता लिला गिरीलाई मुख्यमन्त्री बनाउने लुम्बिनीमा कांग्रेस–एमालेबीच सहमति भए पनि सोमबार बिहान एमाले अध्यक्षको निर्देशन आएकाले आचार्यलाई मुख्यमन्त्रीमा अघि सारिने भएको हो ।
एमाले लुम्बिनी प्रदेश संसदीय दल प्रमुख सचेतक तुलसीप्रसाद चौधरीले बिहान मात्रै एमाले अध्यक्ष केपी शर्मा ओलीबाट लुम्बिनीको मुख्यमन्त्रीमा चेतनारायण आचार्यलाई बनाउन निर्देशन आएको बताए । दिउँसो १ बजे लुम्बिनी प्रदेश प्रमुख अमिक शेरचनकहाँ दाबी पेस गर्न जाने उनले बताए ।
एमाले नेता, पूर्वमन्त्री एवं लुम्बिनी प्रदेशसभा सदस्य भूमिश्वर ढकालले केन्द्रीय पाटी अध्यक्ष केपी शर्मा ओलीले नयाँ मुख्यमन्त्रीमा आचार्यलाई बनाउन बिहान फोन आएको बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
