सहकारी संस्था बचत दुरूपयोग सम्बन्धमा संसदीय विशेष छानबिन समितिको कार्यअवधि १५ दिन थप भएको छ ।

प्रतिनिधि सभाले गठन गरेको समितिको कार्यअवधि १५ दिन थप गर्नेसम्बन्धी समितिका सभापति सूर्य थापाले प्रतिनिधि सभाको मंगलबारको बैठकमा राखेको प्रस्ताव पास भएसङ्गै समितिको कार्यअवधि थप भएको हो ।

हुन्न भन्ने आवाज नसुनिएपछि सभामुख देवराज घिमिरेले उक्त प्रस्ताव सर्वसम्मतिले पास भएको घोषणा गरेका थिए ।

रास्वपा सभापतिसमेत रहेका तत्कालीन गृहमन्त्री रवि लामिछाने सहकारी संस्था बचत दुरूपयोगमा जोडिएको भन्दै नेपाली कांग्रेसले संसदीय छानबिन समिति गठनको माग गरेअनुसार समिति बनेको थियो।

प्रतिनिधि सभाले नेकपा (एमाले) का सांसद थापाको सभापतित्वमा उक्त समिति गठन गरेको थियो। समितिलाई तीन महिने कार्यअवधि तोकिएको थियो।