विजय फूलबारी बचत तथा ऋण सहकारी संस्था लिमिटेडको तेश्रो साधारणसभा सम्पन्न भएको छ । सहकारीले शनिबार सात वटा ईलाकामा एकैपटक साधारण सभा सम्पन्न गरेको हो ।

सबै इलाकाबाट भएका निर्णय प्रमाणीकरण गर्न सोमबार केन्द्रीय कार्यालय जुम्रीमा प्रतिनिधिमुलक निर्णय प्रमाणीकरण सभा हुने संस्थाले जनाएको छ ।

पाँच हजार पाँच सय २५ जना शेयर सदस्य रहेको विजय फूलबारी सहकारीको दुई करोड २४ लाख ४७ हजार आठ सय रुपियाँ शेयर पुँजी र बचत रकम २१ करोड १५ लाख ४६ हजार ४०६ रहेको छ ।

कुल सम्पत्ति २६ करोड ६५ लाख ३४ हजार आठ सय ५६ रहेको सहकारीको जगेडा कोष एक करोड ९६ लाख ५० हजार तीन सय ५४ रुपियाँ पुगेको छ ।

२०८०/०८१ मा दुई हजार ७३ जनालाई ऋण प्रवाह गरेको सहकारीले १६ करोड ७७ लाख ७० हजार एक सय ५९ रुपियाँ ऋण लगानी गरेको जनाएको छ ।