२०८१ असोज २२विजय फुलबारी बचत तथा ऋण सहकारी संस्थाको तेस्रो वार्षिक साधारणसभाको बिभिन्न ईलाकामा भएको निर्णयको प्रमाणीकरण सभा सम्पन्न भएको छ ।
सोमबार केन्द्रीय कार्यालय जुम्रीमा भएको सभाबाट साधारणसभाको निर्णय प्रमाणीकरण गरिएको हो ।
सात वटा ईलाकामा एकैसाथ भएको साधारणसभाबाट छनौट भएका प्रतिनिधिहरुको संयुक्त सभाले निर्णय प्रमाणिकरण गरेको छ । निर्णय प्रमाणिकरण संगै सहकारीको तेश्रो साधारणसभाको कार्यक्रम सम्पन्न भएको छ ।
सहकारी संस्थाका अध्यक्ष नेत्रमणी आचार्यको अध्यक्षतामा भएको तेस्रो बार्षिक साधारण सभाको निर्णय प्रमाणीकरण सभामा सञ्चालक समितिको तर्फबाट मोहन सुवेदीले प्रगति तथा आगामी प्रस्तावित कार्ययोजना प्रस्तुत गरेका थिए भने सञ्चालक खिम बहादुर जि.सी.ले आर्थिक प्रतिवेदन तथा प्रस्तावित बजेट पेश गरेका थिए ।
ज्येष्ठ सदस्य राजेन्द्र पौडेलको प्रमुख आथित्यतामा भएको सभाले एकाइगत साधारण सभाबाट पारित संस्थाको नीति कार्यक्रम,आर्थिक प्रतिवेदन,प्रस्तावित बजेट पारितका साथ प्रमाणीकरण गरेको छ । साधारण सभाले संस्थाको रिक्त कोषाध्यक्ष पदमा टोप बहादुर मल्ललाई निर्विरोध निर्वाचित गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
