नेकपा एमालेका सांसद तथा सहकारीको रकम दुरुपयोग सम्बन्धी संसदीय विशेष छानविन समितिका तत्कालिन सभापति सूर्य थापाले ‘क्लिन चिट’पछि रास्वपा सभापति रवि लामिछानेको नयाँ नाटक प्रतिशोध सुपरफ्लप हुने टिप्पणी गरेका छन्।

सभापति लामिछानेले सहकारी ठगीमा आफ्नो कुनै संलग्नता नभएको पुष्टि हुँदा पनि प्रतिशोध साँधेर पक्राउ गरेको दाबी गरेपछि उनले यस्तो बताएका हुन्।

थापाले सामाजिक सञ्जालमा लेखेका छन्, ‘क्लिन चिट र सफाइ’ चलचित्र केही दिनमै सर्वत्र फ्लप भएलगत्तै कलाबिहीन नयॅा नाटक मन्चन भइरहेछ ‘प्रतिशोध’ सुपरफ्लप हुने बाटो( प्रतिक्षा गरौं।’

सांसद थापाकै नेतृत्वको संसदीय विशेष छानविन समितिले गोरखा मिडियामा सहकारीको पैसा आएपछि खर्च गर्नमा रविको हात रहेको भन्दै कारवाहीका लागि सिफारिस गरेको थियो।