२०८१ कार्तिक १५लामो समयदेखि अलपत्र अवस्थामा रहेको दम्ति सव-स्टेसन सञ्चालनमा आएको छ।
२०७२ सालदेखि निर्माण सुरु गरेर अलपत्र छोडिएको सव-स्टेसन बुधवारबाट सञ्चालनमा आएको हो।
नेपाल बिध्युत प्राधिकरण प्यूठान वितरण केन्द्रद्वारा आयोजित सव-स्टेशन सञ्चालन कार्यक्रममा मन्तब्य राख्दै प्रमुख अतिथी प्रतिनिधि सभा सदस्य सूर्य थापाले सव-स्टेशन सञ्चालनले जिल्लाभित्रको बिध्युत अनियमित हुने समस्या हट्ने बताए। सबैको तदारुकता र सहकार्यले अलपत्र अवस्थामा रहेको सव-स्टेसन छोटो समयमै सञ्चालन भएको भन्दै सांसद थापाले विकास निर्माणका लागि बजेट सुनिस्चितता जस्तै कार्यन्वयनको पाटो महत्वपूर्ण हुने बताए।
बुधवारदेखि ३३/११ के.भी. प्रशारण लाईन रहेको सब-स्टेशन परीक्षण तथा सञ्चालन कार्यक्रमबाट सबस्टेसनको ३ एम.भी. ए. पावर ट्रान्सफर्मर चार्जिङ गरी दम्ती उपभोक्तालाई ११/०.४ ट्रान्सर्फमरबाट विद्युत सेवा उपलब्ध गराईएको नेपाल विद्युत प्राधिकरण प्यूठान बितरण केन्द्र प्रमुख महेन्द्र कुमार दासले बताए।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
