तिहार नजिकिएसंगै बारीमा फूलेकालले चेतकलाको मनमा खुशी ल्याएको छ ।

माण्डवी गाउँपालिकाले पुष्प खेती कार्यक्रम का लागि माण्डवी गाउँपालिका–३ लामाचौरकी ४४ वर्षिय चेतकला के.सी.लाई छनोट गरेपछि यो वर्ष उनले चार रोपनी बारीमा फूलखेती गरेकी छिन् । श्रीमान चार वर्षदेखि भारतमा बेपत्ता छन् । नौ कक्षामा पढ्ने छोरा पढाउन र घरखर्च चलाउन फूलखेतीको आम्दानीले सहज हुने चेतकलाको आशा छ ।

गाउँपालिकाले पुष्प खेती अन्तरगत फुलखेतीलाई वेर्ना र प्राविधिक सहयोग गरेको छ । पालिकाले २ जातका फूलका विरुवा उपलब्ध गराएको थियो । अन्य २ जातका फूल आफै खरिद गरेकी छन् । केसीले १ हजार ६ सय फूलका बिरुवा रोपेको बताइन् ।

“श्रीमान् ४ बर्षअघि भारतको पुनामा नोकरी गर्न गएपछि बेपत्ता हुनुभयो । छोरा १५ वर्षको भयो ९ मा पढ्छ । निकै गाह्रो छ ।”–चेतकलाले भनिन् “गाउँपालिकाले प्लाष्टिकका मालामा रोक लगाएपछि फूल विक्रि होला भन्ने आशा छ ।” ५ क्विन्टल फूल फुलाउने लक्ष्य राखेपनि फूलमा रोग लागेकाले ३ क्विन्टल फूल विक्रि हुन योग्य रहेको उनले बताईन् । उनको फूलबारीमा कर्मा, जयकिसान र स्थानीय जातका थुंगे सयपत्री फूल रहेको र हिजोआज धमाधम बिक्री भैहेको उनले बताइन् ।

प्लाष्टिकका मालाको प्रयोगमा निरुत्साहित गर्न पालिकाले वार्षिक कार्यक्रम अन्तरगत फूलखेति कार्यक्रम छनोट गरेको पालिका अध्यक्ष नमराज अधिकारीले बताए । फूलखेती गरिरहेका किसानको ब्यवसायिक प्रवद्र्धन गर्नका लागि प्लाष्टिकका फुल र मालाको प्रयोगमा रोक लगाईएको पालिकाले जनाएको छ ।