दैलेखबाट सुर्खेत जाँदै गरेको फोर्स गाडी वीरेन्द्रनगर नगरपालिका-१४, रातानाङ्ग्ला नजिकै दुर्घटना हुँदा चार जनाको मृत्यु भएको छ । दुर्घटनामा परी २५ जना घाइते भएका छन् ।

दुर्घटनामा परी मृत्यु हुनेहरूको सनाखत भइनसकेको जिल्ला प्रहरी कार्यालय दैलेखका डीएसपी सुनिल ढकालले जानकारी दिए ।

शुक्रबार दिउँसो देउती नागरिकको कर्णाली प्रदेश ०२००१ ख ०९९८ नम्बरको फोर्स गाडी सुर्खेत-दैलेख सीमास्थित रातानाङ्ग्ला नजिकै भिरमा करिब दुई सय मिटर तल खसेको थियो ।

घाइतेहरूको प्रादेशिक अस्पताल वीरेन्द्रनगर मा उपचार भईरहेको छ ।