मदाने गाउँपालिका-१ ठूलाखर्क गुल्मी निवासी ७७ बर्षिय सालिकराम चन्दले अग्लुङ्गफेदी खाेलामा आउने बाढी संग हरेक बर्ष पैठेजाेरी खेल्नुपर्छ । खाेला तर्न धेरै पटक अप्ठ्यारो भोगेका चन्दलाई अब पक्की पुलबाट खाेला तर्ने इच्छा छ। आफ्नो इच्छा पूरा हुने चरणमा पुगेकाेमा उनि खुसी छन् । ‘यहाँ पुल नहुदा धेरै दु:ख भाेगियाे । बर्षामा मान्छे, गाडी सबै छेकिन्थे’ उनले भने- ‘अब पुल बन्न थाल्याे । गाउँकाे समस्या समाधान हाेला भन्ने आशा छ ।’

मदाने-८ निवासी हरिप्रसाद भट्टराईकाे उमेर ७५ बर्ष पुग्याे । गाउँमा विकास भएन भनेर धेरैले बसाइँ सरे । तर, भट्टराईकाे परिवार गाउँमा अडिएकाे छ । विकासका पूर्वाधार विकट बस्तिमा सर्न थालेकाेमा उनी खुसि छन् । ‘याे खाेलाले दु:ख दिन्थ्याे । बर्षामा झनै समस्या हुन्थ्यो । अब त सजिला दिन आउन थाले’ उनले भने-‘राम्रो काम हुन थाल्याे । छिटाे पुल बनाेस ।’

शनिबार पक्की पुलको शिलान्यास भएसंगै अग्लुङफेदी खोला तरेर यात्रा गर्ने चन्द र भट्टराई संगै त्यस क्षेत्रका बासिन्दामा खुसी आएको हो। लुम्बिनी प्रदेशका भाैतिक पूर्वाधार विकास मन्त्री भूमिश्वर ढकाल र कृषि भूमि व्यवस्था तथा सहकारी मन्त्री दिनेश पन्थीले संयुक्तरूपमा अग्लुङ्गफेदी खाेलामा पक्की पुलकाे शिलान्यास गरेका छन्। यो पन्थिको निर्वाचन क्षेत्र पनि हो।

४ कराेड १४ लाख २९ हजार ९ सय ७९ रुपैयाँ लागतमा सम्पन्न हुने उक्त पुलको सडक पूर्वाधार विकास कार्यालयमार्फत कार्यान्वयन थालिएको छ ।
२०८१ मंसिर ८ गते निर्माण सम्पन्न गर्नेगरी एम/एस.कमल-अर्जुन-सिटी-जेभी रेसुंगा गुल्मीले काम थालेको छ।

शिलान्यास कार्यक्रममा बोल्दै मन्त्री ढकालले तोकिएकै समयमा कार्य सम्पन्न गर्न निर्देशन दिए। ‘सन्तुलित विकासकाे अवधारणा अनुसार प्रदेश सरकारले पूर्वाधार निर्माणकाे कामलाई प्राथमिकता राखेकाे छ । सञ्चालन गरेका सबै याेजनाकाे गुणस्तर कायम गर्ने प्रतिबद्धता प्रदेश सरकारले गरेकाे छ।’ ढकालले भने- ‘सरकारले निर्माण अघि बढेका आयाेजनाकाे भुक्तानीलाई सरल र चुस्त बनाउछ । समयमा आयाेजना सम्पन्न गर्ने र भुक्तानी गर्ने काममा हामी प्रतिबद्ध छाैं ।’ सरकारले देखिने र महशुस हुनेगरी विकास निर्माणकाे कामहरु अघि बढाएको ढकालले बताए ।

शिलान्याको क्रममा बोल्दै कृषि, भूमि व्यवस्था तथा सहकारी मन्त्री पन्थीले विकट बस्तीलाई विकासकाे मुल धारमा ल्याउन सरकारले प्राथमिकतामा राखेकाे बताए । ‘गुल्मी जिल्लाका विकट बस्तीमा विकास पुर्‍याउने अभियान चलेकाे छ´मन्त्री पन्थी भने- ‘विकास नहुदा पिछडिनुपर्ने अवस्था थियाे । अब नागरिकलाई विकासकाे अनुभुती हुनेगरी राज्यले सम्बाेधन गर्ने काम अघि बढेकाे छ ।’

मदाने गाउँपालिकाका उपाध्यक्ष शरिता खड्काले निर्धारित समयमा पुल सम्पन्न गर्न स्थानीय तहले समेत सहजीकरण गर्ने बताईन् । ‘पुल उद्घाटन हुदा हामी खुसी छौं । तर, विचमा अलपत्र हुने समस्या छ त्यसाे नहाेस।’ उनले भनिन् । भाैतिक पूर्वाधार विकास मन्त्रालयका सचिव भिमार्जुन पाण्डेले गुणस्तरीय पक्की पुल निर्माण हुने बताए । निर्माण व्यवसायी विजय खनालले भुक्तानि प्रक्रियामा कुनै समस्या नआए निर्धारित समय भन्दा अगाडिनै पुल निर्माण सम्पन्न गरेर हस्तान्तरण गर्ने प्रतिबद्धता व्यक्त गरे ।

सडक पूर्वाधार विकास कार्यालयका प्रमुख सचितानन्द चाैधरीकाे अध्यक्षतामा पुल शिलान्यास कार्यक्रम सम्पन्न भएको थियाे ।