लोकप्रिय हास्य टेलिसिरियल ‘गाह्रो छ हो’को सिजन २ प्रसारण हुने भएको छ । जसको मुख्य अभिनय प्यूठानका बेगम नेपाली भट्भटे माइला र प्यूठानकै दिया जिसी ले गर्ने छन ।
एक दर्जन भन्दा बढी कलाकार रहेको सिरियलको प्रोमो सार्वजनिक भएको छ । टेलिसिरियलका निर्देशक तथा मुख्य कलाकार बेगम नेपालीले दर्शकको चाहाना अनुसार कलाकारहरुमा केहि परिवर्तन र मेकिङमा पनि थप स्तरिय बनाइ सिजन २ ल्याइएको बताए । उनका अनुसार सोमबार साँझ बाट दोस्रो सिजन प्रसारण हुनेछ । सिरियल एपिवान टेलिभिजनमा ८ बजे र भट्भटे माइला युट्युव च्यानलमा ८ः३० बजे प्रसारण हुने जानकारी गराए ।

एउटै जिल्लाका कलाकार बेगम र दिया सिरियलमा गलफ्रेन र ब्वाए फ्रेन्ड भुमिकामा दर्शकले देख्न पाउने छन । पहिले परिवार सिरियलमा अभिनय गर्दै आएकी दिया जिसीले आफ्नै जिल्लाको निर्देशकले निर्देशन गरेको सिरियलमा सहकार्य गर्न पाउदा खुसी व्यक्त गरेकी छिन ।

लामो समय सम्म मेरी बास्सैमा समेत अभिनय गर्दै आएका भट्भटे माइलाले आफ्नै निर्देशकमा गाह्रो छ हो सिरियल बनाउदै आएका थिए । केहि समय रोकियको सिरियल पुनः सिजन २ मा प्रसारण हुने भए पछि दर्शकहरु खुसी छन ।