राष्ट्रिय लोक भजन तथा चुड्का संरक्षण प्रतिष्ठान नेपाल प्यूठानको दोस्रो वार्षिकोत्सव बुधवार सम्पन्न भएको छ ।

प्यूठान नगरपालिका २ क्वाडि स्थित सिद्धार्थ सभा हलमा संस्थाका अध्यक्ष भूपेन्द्र प्रसाद अधिकारी को अध्यक्षमा सम्पन्न कार्यक्रमको प्रमुख अतिथि लुम्बिनी प्रदेश सदस्य तथा पूर्व मन्त्री तुल्सीराम शर्मा रहेका थिए । शर्माले धर्म, कला, संस्कार र सस्कृती संरक्षण गर्न आवश्यक रहेको बताएका छन् । साथै शर्माले यो क्षेत्रमा जिल्लाका युवाहरू धर्म सस्कृती बचाउमा जोडिएकोप्रति खुसी व्यक्त गरेका छन् ।

प्यूठान जिल्लाभर रहेका भजन कीर्तन प्रेमी , धार्मिक सङ्घसंस्था, सम्पूर्ण सङ्घ संस्थाहरूले चुड्का भजन को साथमा प्रस्तुति देखाएका थिए । विजुवारतर्फ बाट जाल्पा मन्दिर जुम्री देखी र तल्लोक्वाडी बेलपत्रेश्वर महादेव मन्दिर देखि कार्यक्रम सभा हल सम्म भजन कीर्तन र्‍याली कार्यक्रमको सञ्चालन संस्थाका उपाध्यक्ष उपाध्यक्ष शोभाराम भट्टराई ले गरेका थिए ।