२०८१ फागुन २०प्रतिनिधिसभा सदस्य सूर्य बहादुर थापा क्षेत्रीले लोपोन्मुख भाषा संरक्षण गर्नु आवश्यक रहेको बताएका छन् । सोमबार कुसुण्डा जातीको भाषा सम्बन्धी राष्ट्रिय स्तरको १५ दिने तालिम उद्घाटन गर्दै सांसद थापाले कुसुन्डा जातिले बोल्ने लोपोन्मुख भाषाको संरक्षण र विकासका लागि राज्यले ध्यान दिनुपर्ने बताए ।
भाषाको प्रयोगको अभावमा अहिले कुसुन्डा समुदायले बोल्ने भाषा लोप हुँदै गइरहेको छ । भाषा र संस्कृतिको संरक्षणका लागि एकीकृत र सङ्गठित बसोबास आवश्यक रहेको थापाले बताए । उनले कुसुन्डा भाषालाई स्थानीय पाठ्यक्रम बनाएर कुसुण्डा समुदाय बसोबास गर्ने वस्तिमा लागु गर्न स्थानीय तहलाई सुझाव दिएका छन् ।
लोपोन्मुख कुसुण्डा भाषाको संरक्षणका लागि तालिमको आयोजना गरिएको सरुमारानी गाउँपालिकाका अध्यक्ष झगबहादुर विश्वकर्माले बताए ।
तालिममा छ जिल्लाका ३५ जना कुसुन्डा समुदायका प्रतिनिधिहरू सहभागी भएका छन्।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
