टिकुरीमा सञ्चालित प्रथम भित्रिकोट प्यूठान महोत्सव आज दिनभर चल्ने भएको छ । खलङ्गामा भएको सर्वपक्षीय छलफलमा आज दिनभर महोत्सव सञ्चालन हुने समझदारी भएको हो ।

सोमबार साँझ प्यूठान नगरपालिकाका मेयर विष्णु बहादुर योगीले महोत्सव सञ्चालनको अनुमति रद्द गरेको सूचना सार्वजनिक गरेका थिए । त्यसपछि उत्पन्न परिस्थितिबारे छलफल गर्न खलङ्गामा सर्वपक्षीय छलफल भएको थियो ।

सर्वपक्षीय बैठकमा आज दिनभर सञ्चालन हुन दिने समझदारी भएको बैठकमा सहभागी नेकपा एमालेका सचिव ईन्द्रमणी पोखरेलले बताए । प्यूठान आइडलको कार्यक्रम आज सम्पन्न हुने र महोत्सवको औपचारिक समापन बुधवार गरिने आयोजक संस्थाका सचिव कमल पौडेलले बताए ।