नागबेली बहुउद्देश्यीय कृषि सहकारी संस्थाको सातौँ वार्षिक साधारण सभा सम्पन्न भएको छ ।

प्यूठान नगरपालिका ३ जुम्रिमा शनिवार  सम्पन्न साधारण सभामा बोल्दै प्यूठान नगरपालिकाका मेयर विष्णु बहादुर योगीले सहकारी क्षेत्रले ग्रामीण जनता र समुदायमा आर्थिक समृद्धि ल्याउन महत्त्वपूर्ण टेवा पुर्‍याएको बताए । कार्यक्रममा बोल्दै प्यूठान नगरपालिकाका नगर प्रवक्ता एवं ३ नं. वडा अध्यक्ष सुमनराज श्रेष्ठले नागबेली सहकारीले सदस्यहरूको आर्थिक अवस्था सुधारका लागि महत्त्वपूर्ण भूमिका निर्वाह गरेको बताए ।

साधारण सभामा सहकारीको वार्षिक प्रगति प्रतिवेदनमाथि छलफल गर्नुका साथै विभिन्न विधामा सम्मान गरिएको छ । सहकारीका ज्येष्ठ सदस्य बुध खत्री क्षेत्री, मासिक बचतकर्ता  चन्द्र पाण्डे, ऋणी जीवन खनाल नारायण के सी , बाल बचत, जेनिसा पाण्डे, कृषक विष्णा पोख्रेल, व्यवसायी  यंक बहादुर पुन, संस्थापक बाल बहादुर खड्का लाई प्रमाण पत्र सहित सम्मान गरिएको थियो ।

संस्थाको हाल सेयर पुँजी १ करोड ५ लाख २६ हजार एक सय रहेको संस्थाका अध्यक्ष विष्णु पाण्डेले बताएका छन् । ६ सय ९ जना सदस्य रहेको सहकारीले सदस्य केन्द्रित कार्यक्रमलाई प्राथमिकतामा राखेर काम गरेको पाण्डेको भनाई छ । सहकारीका सदस्यको आर्थिक अवस्था माथि उठाउनका लागि उद्यमशीलता सँगै आयमूलक काममा जोडने कार्यक्रम सञ्चालन गरिएको पाण्डेले बताए ।