प्यूठानमा सुमो जिम दुर्घटना हुँदा १० जना घाइते भएका छन् ।

आइतबार दिउसो भालुवाङ–प्यूठान सडक खण्ड अन्तरगत माण्डवी गाउँपालिका ३ अरुण खोला नजिकै जिप दुर्घटना भएको हो ।

रोल्पाबाट भालुवाङ जादै गरेको भे १ ज ७३४ नम्बरको सुमो जिप अनियन्त्रित हुँदा घाइते भएकाहरू मध्य १ जनाको अवस्था गम्भीर रहेको छ । शिवराज नगरपालिका कपिलवस्तुका २५ वर्षीय चालक विजय कुमार कौशोधनको अवस्था गम्भीर रहेको प्रहरीले जनाएको छ । जिप अनियन्त्रित भई सडकको भित्तामा ठोकिएको थियो ।

घाइतेहरूलाई प्राथमिक उपचारपछि थप उपचारका लागि प्यूठान अस्पताल पठाइएको छ ।