लुम्बिनी प्रदेशका मुख्यमन्त्री चेतनारायण आचार्यसँग रोल्पाको कोटगाउँका विद्यार्थीले विद्यालय पुग्ने बाटो बनाइदिन माग गरेका छन् ।

मङ्गलवार मुख्यमन्त्रीलाई भेटेर नेपाल माध्यमिक विद्यालयमा अध्ययनरत विद्यार्थीले आफूहरूको विद्यालयमा पुग्ने करिब २ सय मिटर सडक पक्की गरिदिन माग गरेका हुन् ।

मुख्यमन्त्रीसँगको भेटमा विद्यार्थी तथा शिक्षकहरू सहभागी थिए । मुख्यमन्त्री आचार्यले माग सम्बोधन गर्ने बारेमा सरकारले पहल लिने बताए । ‘तपाइहरूले राम्रो सँग पढ्नुस्, सरकारले तपाईँहरूको विद्यालय सम्म पुग्ने सडक बनाउँछ’ मुख्यमन्त्री आचार्यले भने, ‘माग पत्र भौतिक पूर्वाधार विकास मन्त्रालयमा पठाउँछौँ।’

बाटो नबन्दा बर्षातको समयमा हिलो र हिउँदको समयमा धुलोले हैरानी हुने गरेको उनीहरूको गुनासो छ ।