२०८१ फागुन २७प्यूठानमा स्ववियू निर्वाचनका लागि ४ सङ्गठनले गठबन्धन गर्ने सहमति गरेका छन् । चैत्र ५ गते हुने निर्वाचनका लागि आज उम्मेदवारको मनोनयन दर्ता भइरहेको छ ।
नेपाली काँग्रेस निकट नेपाल विद्यार्थी सङ्घ, नेकपा माओवादी केन्द्र निकट अखिल क्रान्तिकारी, राष्ट्रिय जनमोर्चा निकट अखिल छैठौँ र नेत्रविक्रम चन्द विप्लव निकट अखिल समाजवादी बिच गठबन्धन गर्ने सहमति भएको हो ।
सहमति अनुसार नेपाल विद्यार्थी सङ्घले प्यूठान क्याम्पस खलङ्गा र अमर क्याम्पस भिग्रीमा सभापतिमा उम्मेदवारी उठाउने छ । अखिल क्रान्तिकारीले स्वर्गद्वारी क्याम्पस पुण्यखोलामा, अखिल छैठौँले गौमुखी क्याम्पस मच्छिमा र अखिल समाजवादीले झिमरुक क्याम्पस बाग्दुलामा सभापतिको उम्मेदवार उठाउने सहमति गरेका छन् । गठबन्धनका क्रममा अन्य पदहरू पनि बाँडफाँड गरेका छन् ।
झिमरुक क्याम्पस बाग्दुलामा सर्व सहमत नेतृत्व चयन गर्ने सहमति भएको नेपाल विद्यार्थी सङ्घका जिल्ला अध्यक्ष कल्याण विक्रम के.सी. ले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
