News Portal

रेडियो सुन्नुहोस्

६८ औं राष्ट्रिय सहकारी दिवस प्यूठानमा पनि मनाईयो

झुलेनी नेटवर्क२०८१ चैत्र २०
२८८ पटक
२०८१ चैत्र २०

‘मर्यादित सहकारी , सम्मुन्नत समाज’ भन्ने मुल नाराका साथ आज ६८ औ राष्ट्रिय सहकारी दिवस प्यूठानमा पनि विभिन्न कार्यक्रम गरि मनाइएको छ ।

जिल्ला सहकारी संघ लिमिटेड प्यूठानको आयोजना तथा विजय फुलबारी बचत तथा ऋण सहकारी संस्था र नागबेली बहुउदेशिय कृषी सहकारी सस्थाको सहयोगमा एक कार्यक्रम गरि दिवस मनाईएको हो । कार्यक्रमलाई सम्बोधन गर्दै प्यूठान नगरपालिकाका मेयर बिष्णु बहादुर योगीले सहकारी अभियान आर्थिक प्रणाली संग जोडिएको अभियान मात्र नभई यो अभियान सामाजिक रुपान्तरणको अभियान रहेको बताए ।

प्यूठान नगरपालिकाका प्रवक्ता सुमनराज श्रेष्ठले ग्रामिण क्षेत्रका बस्तीलाई सहकारीको क्षेत्रबाट व्यवहारिक समाज निर्माणको निमित्त महत्वपुर्ण भुमिका निर्वाह गरेको बताए ।

कार्यक्रममा बोल्दै जिल्ला सहकारी संघ लिमिटेड प्यूठानका अध्यक्ष सुशील पोख्रेलले देशभर ७३ लाख भन्दा बढी नागरिक सहकारीमा जोडिएको र ९३ हजार भन्दा बढी सहकारी मार्फत प्रत्यक्ष रोजगारीमा जोडिएको बताए ।

बचत तथा ऋण सहकारी संघ प्यूठानका अध्यक्ष भोज बहादुर बस्नेतले आफुसंग रहेको पूँजीलाइ उत्पादनमा जोड्न आग्रह गरेका छन । उनले ऐनको परिधी भित्र रहेर संस्था चलाए कुनै अफ्ठ्यारो नपर्ने बताए ।

बिजय फुलबारी बचत तथा ऋण सहकारी संस्थाका संस्थापक अध्यक्ष लोक बहादुर बस्नेतले अरुले गरेको गल्तीमा पनि असल सहकारीहरु प्रभावीत हुनु परेको भन्दै सहकारी अभियानलाइ निर्भिक भएर अगाडी बढाउन अग्रह गरेका छन ।

विजयनगर सानाकिसान महिला बचत तथा ऋण सहकारी संस्थाकि अध्यक्ष शर्मिला राउतले बचत ऋणमा मात्र नभएर सहकारी सदस्यको दैनिकिमा जोडिदा राम्रो हुने बताईन्।

जिल्ला सहकारी संघ लिमिटेड प्यूठानका अध्यक्ष सुशिल पोख्रेलको अध्यक्षता रहेको कार्यक्रको संचालन बिजय फुलबारी बचत तथा ऋण सहकारी संस्था लिमिटेडका व्यवस्थापक प्रकाश वैद्यले गरेका थिए ।

नागबेली बहुउद्देशीय कृषी सहकारी संस्थाको प्राङगणमा गरिएको कार्यक्रममा प्यूठान नगरपालिका भित्रका विभिन्न सहकारी अभियान्ता र सदस्यहरुको उपस्थित रहेको थियो । दिवसको अवसरमा जुम्री देखी विजुवार सम्म सहकारी सम्वन्धी र्याली पनि गरिएको थियो।

प्यूठान जिल्लाका अधिकांश सहकारीहरुले उक्त दिवस फरक फरक कार्यक्रम गरि मनाएका छन् ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

छेडियो नंगेनीभिर, खुल्यो मैरामारे–जुम्रीकाँढा सडक

प्यूठानको नौबहिनी गाउँपालिका–७,को मैरामारे देखि प्यूठान नगरपालिका–५ जुम्रीकाँढा सडक ट्याक ओपन भएको छ । स्थानीयले...

नौवहिनी गाउँपालिकाको दोश्रो चौमासिकको सार्वजनिक सुनुवाई सम्पन्न

नौवहिनी गाउँपालिकाको आर्थिक वर्ष २०८१/०८२ को दोश्रो चौमासिकको सार्वजनिक सुनुवाई कार्यक्रम सम्पन्न भएको छ ।...

प्यूठानमा आंङ खस्ने महिलाको निशुल्क शल्यक्रिया शिविर सञ्चालन हुने

प्यूठान आङ खस्ने महिलाका लागी निशुल्क शल्यक्रिया सिविर संचालन हुने भएको छ । शुक्रवार स्वास्थ्य...

प्यूठान अस्पताल भवन अलपत्र, ठेकेदार बेखबर

प्यूठान अस्पताल भवन अलपत्र परेको छ । निर्माणको जिम्मा दिएको ठेकेदार बेखबर छन् । भवन...

अनेरास्ववियु र युवा संघको स्थापना दिवसमा रक्तदान तथा फलपुल वितरण

अनेरास्ववियुको ६१ औँ तथा राष्ट्रिय युवा संघको ३६ औँ स्थापना दिवसको अवसरमा प्यूठानमा रक्तदान र...