२०८१ चैत्र २०युबा हित मंच प्यूठान नगरपालिका २ ले आयोजना गरेको क्वाडी बेलुवा देखि बाग्दुला सम्म(७ कि मि)लामो दौड प्रतियोगितामा नौबहनी गाउपालिका ६ का ४७ बर्षिय दामोदर बुढामगर प्रथम भएका छन ।
प्रतियोगितामम दोस्रो ससस्त्र प्रहरी बलका प्रकाश थापा र तेस्रो नौबहिनीका पहलमान बुढाथोकी भएका हुन ।
विजेता प्रथम, द्वितीय र तृतीयले क्रमश: दश हजार , सात हजार र पाँच हजार रकम प्राप्त गरेको युवा हित मञ्चका अध्यक्ष मुक्ति पोख्रेलले बताए ।
प्यूठान नगरपालिकाको अर्थिक सहयोगमा संचालन गरिएको दौड प्रतियोगितामा १८ जना सहभागी थिए । कार्यक्रमको प्रमुख अतिथि प्यूठान नगरपालिका का नगर प्रमुख विष्णु बहादुर योगी रहेका थिए ।
कार्यक्रममा प्यूठान नगरपालिका २ का वडाध्यक्ष मोहन सिंह बिस्ट, नेकपा एमालेका जिल्ला अध्यक्ष विजय विराज विष्ट , जिल्ला अस्पताल प्युठान का प्रमुख ओम अर्याल , ईलाका प्रहरी कार्यालय बिजुवार प्युठानका प्रहरी निरीक्षक चुडामणि पुन लगायतको उपस्थिती रहेको थियो।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
