प्यूठान नगरपालिकाले कुकुर बन्ध्याकरण शिविर सञ्चालन गरेको छ । बजार क्षेत्रमा कुकुरको सँख्या बढ्दै गएकाले भुस्याहा कुकुरको संख्या न्यूनिकरणका लागि नगरपालिकाको पशु सेवा शाखामार्फत बिजुवार सेवा केन्द्रमा शिविर सञ्चालन गरिएको शाखा प्रमुख गिरीराज पौडेलले बताए ।

शनिबार सञ्चालित शिविरबाट नगर क्षेत्र अन्तर्गत २५ वटा कुकुरको बन्ध्याकरण गरिएको छ । सामुदायिक तथा घरपालुवा कुकुर गरि ११ भाले कुकुर र १४ पोथी कुकुरको बन्ध्याकरण गरिएको शाखा प्रमुख पौडेलले बताए । शिविर सञ्चालनका लागि एकिकृत कृषी तथा पशुपंन्छी विकास कार्यालय प्यूठानले प्राविधिक सहयोग गरेको थियो ।

नगरपालिकाले पशुसेवा शाखामार्फत चालु आर्थिक वर्षमा नगर क्षेत्रका १ सय ६३ कुकुरलाई रेविज विरुद्धको खोप दिईएको जनाएको छ । रेविज रोग जोखिम नियन्त्रण गर्न कुकुरलाइ खोप दिईएको शाखाप्रमुख पौडेलले बताए । घरपालुवा कुकुरको सहजै स्थानीय स्तरमै बन्ध्याकरण गराउन पाउदा स्थानीय खुसी छन ।