२२ पुस, प्यूठान लालीगुँरास बचत तथा ऋण सहकारी संस्था मल्लरानी ३ को ११ औ बार्षिक साधारण सभामा सम्पन्न भएको छ ।
शनिवार भएको कार्यक्रममा प्रमुख अतिथी मल्लरानी गाँउपालिका अध्यक्ष तथा अमरध्वज रानाले आजको आवश्यकता व्यवसायिकता भएको बताउँदै सहकारीले युवाहरुलाई व्यवसाय संचालन गर्नका लागि लगानी गर्न आग्रह गरेका छन । उनले अवको आर्र्थिक विकास विना कुनै कुरा सम्भव नभएको बताउँदै युवाहरुलाई व्यवसायिक क्षेत्रमा लगानी गरी सफल व्यवसायी बनाउन सहकारी लाग्नुपर्ने कुरामा जोड दिएका हुन ।
त्यस्तै जिल्ला सहकारी संघका सदस्य एमप्रसाद पाण्डेले सहकारी गरिव तथा विपन्न परिवारको साथी भएको बताउँदै शेयर सदस्यले बचत मात्र नगरी व्यवसाय गर्नका लागि उत्साह हुनुपर्ने बताए । कार्यक्रममा मल्लरानी सहकारी संजालका अध्यक्ष टुकबहादुर रोकाय,निर्वतमान अध्यक्ष दुर्गाबहादुर थापा लगायतले शुभकामना दिएका थिए ।
कार्यक्रममा असल ऋणीको तर्फबाट राजु गुरुङ,असल बचतकर्ता अम्विका पौडेल र कक्षा ८ मा सर्वोकृष्ट ल्याउने शेयर सदस्यको छोराछोरीबाट शारदा माविका विजय आर्चाय,भानुमाविका समिर पुन लाई सम्मान गरिएको थियो । त्यसैगरी निर्वमान अध्यक्ष दुर्गाबहादुर थापा र भवन निमार्ण समितिका सदस्य भेषराज पोख्रेलाई सम्मान गरिएको थियो । सहकारीले युवालाई लक्षित गरी व्यवसायीक योजनाको आधारमा १० लाख सम्म ऋण लगानी गर्दै आएको छ ।
साधारण सभाको अध्यक्ष टेकनारायण पोख्रेलको अध्यक्ष सचिव गोपाल थापाको संचालनमा कार्यक्रम भएको थियो । पुर्वी प्यूठानको मल्लरानी,ऐरावति गाउपालिका बासिन्दाहरु सहकारीका शेयर सदस्य रहेका छन । २०६४ सालमा स्थापना भई हाल करिव ५ करोडको कारोवार सहकारीले गर्दै आएको छ । सहकारीको ९३६ जना शेयरको ७४ लाख शेयर पुजीँ रहेको व्यवस्थापक गोविन्द अधिकारीले बताए।
