मल्लरानी गाउँपालिका ३ मुन्डाडाँका घरघरै पानीका धारा निर्माण भएका छन् । घरको आगनमै खानेपानीका धारा खस्न थालेपछी स्थानीय खुसी छन । पधेरोमा घन्टौ लाइन बसेर पानी बोक्नु पर्ने वाध्यताको अन्त्य भएको स्थानीय विर वहादुर थापाले बताए ।

गत वर्ष वडाको मुन्डाडा गाउँमा १ सय र वुकेनी गाउँमा ६१ गरि १ सय ६१ घरमा खानेपानीका धारा जडान गरिएको थियो । सोमवार प्रतिनिधि सभा सदस्य सूर्य बहादुर थापा क्षेत्रीको प्रमुख आथित्यतामा औपचारीक कार्यक्रम गरि खानेपानीको उद्घाटन गरिएको छ ।

खानेपानी धाराको उद्घाटन गर्दै प्रमुख अतिथि थापाले वडाले नागरिकका माग सम्बोधन गरेर प्रशंसनिय कार्य गरेको बताए । घरैपिच्छे पानीका धारा बनेपनि  स्थानीयले नौमती बजा वजाउदै नाचगान गर्दै खुसी ब्यक्त गरेका थिए ।

मल्लरानी गाउपालिका ३ मुन्डाडाका स्थानीय करिस्मा परियारले जडान गरिएको धारामा पानी खस्न थालेपछी समयको वचत र दैनिकीमा सहज भएको बताइन । त्यस्तै मुन्डाडाँका स्थानीय खुम बहादुर परियारले डोकोमा पानी बोकेर खाने दिनको अन्त्य भएको बताए ।
९ सय ६ घरधुरी रहेको मल्लरानी गाउँपालिका ३ मा १ सय ६१ घरमा पानीका धारा पुगेकोे र बाँकी घरहरुमा यस आर्थिक वर्षमा एक घर एक धारा पुर्याउने गरि काम भईरहेको मल्लरानी गाउपालिका ३ का वडाध्यक्ष नोमराज पौडेलले जानकारी दिए । साथै उनले पानीका कारण धारा पधेरामा हुने झगडा समेतको अन्त्य भएको बताए ।कार्यक्रममा मल्लरानी गाउँपालिकाका उपाध्यक्ष रमेश कुमार श्रेष्ठ, प्रमुख प्रसासकीय अधिकृत विजय पौडेल अन्य कर्मचारीहरु र स्थानीयहरु लगायतको उपस्थिती रहेको ।