क्रान्तिकारी पत्रकार संगठन दाङले यहि चैत्र २७ गते सम्पन्न हुने दोश्रो जिल्ला सम्मेलनको तयारीलाई तिव्र रुपमा अगाडि वढाएको छ।
जिल्ला सम्मेलनको तयारी स्वरुप जिल्लाव्यापि रुपमा अभियान चलाईएको सम्मेलन आयोजक समितिका संयोजक जानकि दहितले जानकारी दिनुभयो।
जिल्ला सम्मेलनकै क्रममा दाङका विभिन्न मिडियामा पुगेर भेटाघाट, अन्तरक्रिया र अनुगमन कार्यक्रम चलाईएको दहितले वताउनु भयो।
अभियानका क्रममा मिडियाहरुमा मिडियाले उठाउने विषय, मिडियाको अवस्था, मिडियाकर्मिको अवस्था र समस्याहरुवारे छलफल चलाईएको थियो। नियुक्तिपत्र नदिईएको मिडियामा नियुक्तिपत्र दिन सुझाव दिईएको, सुचना विभागमा मिडियामा कार्यरत सर्वै पत्रकारको विवरण पठाउन सुझाव दिईएको दहितले वताउनु भयो।
मिडियाका व्यवस्थापकहरुले स्थानिय तहहरुले स्थानिय मिडियामैत्रि व्यवहार नगरेको र स्थानिय स्तरमा मिडियाको अवस्था कमजोर रहेको वताएका थिए।
२७ गते हुने सम्मेलनको उद्घाटन संगठनका केन्द्रिय अध्यक्ष प्रभात चलाउनेले गर्नुहुने छ।
क्रान्तिकारी पत्रकार संगठन नेपालले आगामि वैसाख १५ र १६ गते राष्टिय सम्मेलन गर्दै छ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
