२७ मंसिर, प्यूठानशरीरको बायाँ भाग नचल्ने गरि बिगत केहि महिनादेखी थलिएर बसेका प्युठान नगरपालिका १ साल्घारीका लाल बहादुर नेपालिलाई प्यूठान नगरपालीका ४ जुम्रिका युवा ब्याबसायी कृष्ण खड्काले आज १० हजार सहयोग हस्तान्तरण गरेका छन।
हाल जुम्रिमा वस्दै आएका नेपालीलाई भदौ ९ गतेदेखि प्यारालाईसिसको समस्या देखिएको थियो। उनले आफ्नो सम्पत्ति बेचेर उपचार गराउन थाले ,तर सुधार हुन सकेन । अहिले ४८ वर्षिय नेपालीको सहारा संगै रहेकि श्रीमती छिन।
आय स्रोतको नाममा फोटोमा देखिएको जुम्री बसपार्कमा एउटा सानो किराना पसल छ । जस्ले कोठा भाडा तिर्न पनि निकै गाह्रो भएको बताउछन । साहुबाट रिण काडेर अहिले सम्म आफ्नो उपचार को लागि ३ लाख खर्च गरिसकेको उनी बताउछन ।अझै आफ्नो उपचार गराउन कति पैसा लाग्ने हो भन्ने कुनै एकिन छैन । तत्काल उनलाई पैसाको नै खाचो छ ।
गहभरी आँसु ल्याउदै लालबहादुर ले भन्छन-“छोराछोरी भैदिएको भएपनी आसा पलाउथ्यो तर कोहि छैन , हात खुट्टा चलाउन मिल्नेभए केही काम गर्ने थिए त्यो पनि मिल्दैन ।”
यस अघि उनलाई प्युठान नगरपालिकाका मेयर अर्जुन कुमार कक्षपतिले ५ हजार र नगरपालिकाबाट ३ हजार गरि जम्मा ८ हजार सहयोग प्राप्त भएको उनले वताए।
लाल बहादुरले अहिले आफ्नो उपचार काठमाडौमा रहेको अस्टाङग आयुर्वेदिक अस्पतालमा गराईराखेका छन । प्रत्यक महिनामा उनको उपचार खर्च २५ हजार आउँछ । तर आयश्रोत केही छैन ।
सामाजिक कार्यमा अग्रसर हुँदै आएका युवा नेता सुमनराज श्रेष्ठ , हरि बस्नेत , लगायतको उपस्थितीमा युवा व्यवसायि खड्काले १० हजार रुपैया लालवहादुर नेपालीको परिवारलाई हस्तान्तरण गरेका छन् ।
