चैत्र २९विप्लव नेतृत्वको नेपाल कम्यूनिष्ट पार्टीले वैशाख ४ गते वन्द लगायतका विभिन्न संघर्षका कार्यक्रम घोषणा गरेको छ।
सरकारले आफ्नै कानुन, नियम र संविधानको उल्लंघन गरेको भन्दै नेपाल कम्यूनिष्ट पार्टी पुर्वि कमाण्ड ईन्चार्ज विरहिले विज्ञप्ती जारी गरि संघर्षका कार्यक्रमको घोषणा गर्नुभएको छ।
विज्ञप्तीमा भनिएको छ– ‘नेपाल कम्यूनिष्ट पार्टीका केन्द्रिय सदस्य किरण राईसहित ८ जनालाई पार्टीको वैठक वसिरहेका वेला चैत्र ५ गते धनकुटाको हिलेवजारवाट गिरफ्तार गरिएको थियो। उहांहरुलाई चैत्र २९ गते जिल्ला प्रशासन कार्यालयले निर्दोश सावित गर्दै रिहा गर्यो। तर, प्रहरिले तत्काल गिरफ्तार गरेर पुनः हिरासतमा राखेको छ। सरकार आफैले आफ्नो संविधान, कानुन र न्यायिक निकायको समेत खिल्लि उडाएको छ। त्यसले देशलाई जवरजस्त द्वन्दतर्फ धकेलिरहेको छ।’
कार्यक्रमहरुः
चैत्र ३० देखि वैशाख २ गतेसम्मः प्रचारप्रसार
वैशाख २ गतेः जनसंघर्ष
वैशाख ३ गतेः मसालजुलुस
वैशाख ४ गतेः पुर्वि कमाण्ड (साविकका अञ्चलहरु सगरमाथा, जनकपुर, कोशी र मेची) वन्द
