News Portal

रेडियो सुन्नुहोस्

प्यूठानमा क्वारेन्टाइनमा बसेकाहरु ५० जना घर फर्किए

बोम बहादुर परियार ३० चैत्र, प्यूठान
१३६३ पटक
३० चैत्र, प्यूठान

स्वर्गद्धारी नगरपालिकाका बिभिन्न स्थानमा निर्माण गरिएको क्वारेन्टाइनमा बसेका २३ जनाको Rapid Daignostic Test (RDT) को माध्यमबाट कोरोना परिक्षण गर्दा रिपोर्ट नेगेटिभ आएपछि क्वारेन्टाइनमा बसेकाहरु आइतबार घर फर्किएका छन्।
स्वर्गद्धारी नगरपालिका वडा नं. ४ मा रहेको गंगेश्वरी आधारभूत बिद्यालयमा १२ जना र नगरपालिका वडा नं. २ मा रहेको बाल बाध्यमिक बिद्यालय स्वर्गद्धारी खालमा रहेका ११ जना गरि २३ जनाको परिक्षण गरिएको हो।
कोरोना भाइरस नेगेटिभ देखिएपछि उनीहरुलाई घर पठाईएको स्वास्थ्य कार्यालय प्यूठानका प्रमुख बिशाल सुवेदीले बताउनुभयो। उहाँले क्वारेन्टाइनबाट घर फर्किएकाहरुलाई अनुशासन तबरले घरमै बस्न आग्रह गर्नुभयो। समुदायमा कोहि पहिचान नभएका कोरोना संक्रमित बिरामी पनि हुन सक्ने भन्दै सुवेदीले भने–“ फर्किएर पनि घरमै सेल्फ क्वारेन्टाइनमा बस्नुपर्छ।” उहाँले कम्तिमा ७ दिन घरमा सेल्फ क्वारेन्टाइनमा बस्न सुझाव दिनुभएको छ।
परिक्षण पछि रिर्पोट नेगेटिभ आएकोमा खुसी ब्यक्त गर्दै जिल्ला प्रहरी कार्यालय प्यूठानका प्रमुख नरेन्द्र कुमार कार्कीले घर फर्केर पनि सुरक्षित हुन आग्रह गर्नुभयो। उहाँले केहि समस्या परेमा तत्कालै प्रहरीलाई खबर गर्न आग्रह गर्नुभएको छ।
प्यूठानका तिन स्थानिय तह ऐरावति गाउँपालिका , माण्डवी गाउँपालिका र स्वर्गद्धारी नगरपालिकामा रहेका ८६ जना मध्ये आइतबार सम्म ५० जना घर फर्किएको स्वास्थ्य कार्यालय प्यूठानका बिपद ब्यवस्थापन फोकल प्रसन पुष्कल श्रेष्ठले बताउनु भयोे। क्वारेन्टाइनमा बसेकाहरुको परिक्षण तालिम प्राप्त अनुभवी ल्याब टेक्निसियन डोर बहादुर खड्काको टोलिले गर्नुभएको छ।
अन्यको पनि परिक्षण गर्ने र यदि नेगेटिभ आएमा घर पठाइनेछ। यदि RDT रिर्पोट पोजेटिभ आएमा कोरोना भाइरस भएको वा नभएको पुष्टि अझैपनि यकिन गर्न सकिने अवस्था रहदैन्। यसको बिरामीलाई क्वारेन्टाइनमा राखेर VTM भ्याक्सिन ट्रान्र्सफोटेशन मिडिया मार्फत चेकजाँच गर्नुपर्छ। जिल्लामा अहिले सम्म स्वास्थ्य कार्यालयका ७ जना र जिल्ला अस्पतालमा आइसोलेशनमा राखेका २ जना गरि ९ जनामै रिपोर्ट निगेटिभ आएको छ ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

अनेरास्ववियु र युवा संघको स्थापना दिवसमा रक्तदान तथा फलपुल वितरण

अनेरास्ववियुको ६१ औँ तथा राष्ट्रिय युवा संघको ३६ औँ स्थापना दिवसको अवसरमा प्यूठानमा रक्तदान र...

सुरक्षित वैदेशिक रोजगारी सम्बन्धी अन्तरक्रिया सम्पन्न 

सुरक्षित वैदेशिक रोजगारी सम्बन्धी पत्रकारहरूसँग अन्तरक्रिया तथा अभिमुखीकरण कार्यक्रम जिल्ला समन्वय समितिको कार्यालय खलङ्गामा सम्पन्न...

गर्जेनी दुर्घटनाले झस्किन्छन् प्यूठानी

प्यूठान प्रवेश गर्ने मुख्य सडक भालुबाङ–प्यूठान सडकमा सवारी चाप बढे पनि  डबल लेन गर्ने काम...

वाईसियल प्युठानको अध्यक्षमा सुरेश विश्वकर्मा निर्वाचित

योङ्ग कम्युनिष्ट लिग (वाईसिएल) प्यूठानको अध्यक्षमा सुरेश विश्वकर्मा निर्वाचित भएका छन्। मंगलबार सम्पन्न पाँचौं जिल्ला...

राष्ट्रिय युवा संघ नेपाल, प्यूठानको अध्यक्षमा पाण्डे

राष्ट्रिय युवा संघ नेपाल प्यूठानको अध्यक्षका महेश पाण्डे निर्वाचित भएका छन्। सोमबार सम्पन्न ११औँ जिल्ला...