प्युठानमा थप ८ जनालाई कोरोना संक्रमण भएको पुष्टि भएको छ । स्वास्थ्य कार्यालय प्युठानका प्रमुख विशाल सुवेदीका अनुसार प्युठान नगरपालिका वडा नं. २ का ३ जना र वडा नं. ३ का ५ जना गरि ८ जनालाई कोरोना संक्रमण देखिएको हो। प्रादेशिक जनस्वास्थ्य प्रयोगशाला भैरहवामा गरिएको परिक्षण अनुसार संक्रमित पुष्टि भएको सुवेदीले जानकारी दिनुभयो ।

प्यूठान नगरपालिका ३ का वडा अध्यक्ष प्रेम हमालले सवै संक्रमितहरु केही दिन अघि भारतबाट आएको जानकारी दिनुभयो। संक्रमित हुनेहरुमध्ये १ जना महिला र ७ जना पुरुष रहेका छन् ।उनीहरुलाई सरस्वती प्राथमिक विद्यालय सेपुङको क्वारेन्टाइनमा राखिएको छ ।

यो सँगै प्युठानमा संक्रमित हुनेको संख्या १२ पुगेको छ ।