माटो खन्ने मड्किनोमा माटोको ढिस्कोले च्याप्दा ९ वर्षिय वालिका सहित २ जना घाईते भएका छन्। सुक्रवार दिउँसो माथिवाट खसेको माटोको ढिस्कोले च्याप्दा नौवहिनी-८ लुप्लुङकी सुस्मिता वि.क. को दुवै खुट्टा भाचिएको छ। यौटा खुट्टा भाचिएका अर्का १ जना महिलाको भने वुटवलमा उपचार सुरु भईसकेको छ।

सुक्रवार नै जिल्ला अस्पत्ताल प्यूठानले थप उपचारका लागि बाहिर जान रिफर गरेपनी शनिवार दिउसोसम्म आर्थिक जोहो नहुँदा वालिका सुस्मिताका आफन्तहरु जिल्ला अस्पतालै अलपत्र थिए। स्थानिय युवाहरुको सहजिकरणमा शनिवार साँझ उनलाई वुटवल पठाईएपनी उपचारमा भने समस्या रहेको पारिवारले जनाएको छ। वालिका वाजेवज्यैसंग वस्दै आएकि थिईन। आमाले दोश्रो विवाह गरेकी उनको वुवाले भारतमा मजदुरी गर्छन। लामो समयदेखीको कोरोना भाईरसको प्रकोप र वन्दावन्दिका कारण भारतमा काम गर्ने मजदुरहरुलाई पनि संकट छ। त्यसमाथी वालिकाका दुवै खुट्टा भाँचिएपछी परिवारमा जटिल समस्या आएको छ।

दुवै खुट्टाका हड्डी भाचिएको र जिल्लावाहिर पठाउन पर्ने अवस्था रहेकाले वालिकालाई तत्कालै रिफर गरिएको जिल्ला अस्पत्ताल प्यूठानमा कार्यरत एमडिजिपी डाक्टर सुनिल सुनारले वताउनु भयो।