सोमवार विजुवार बजारमा हिड्ने मानिसहरुलाइ मास्क वितरण गरिएको छ । कोभिड १९ को जोखिमलाइ न्युनिकरण गर्ने उदेश्यले प्युठानका युवा व्यावसायी मेघा फर्निचर विजुवारका संचालक तथा उद्योग वाणिज्य संघ प्यूठानका बस्तुगत सदस्य सुर्यचन्द्र खनालले ५ सय वटा सर्जिकल मास्क वितरण गर्नुभएको हो ।

कोभिड् १९ को संक्रमण बढेसंगै जिल्लामा यसको रोगथाम गर्नका लागि प्रहरी संग समन्वय गरि मेघा फर्निचर को आयोजनामा मास्क बितरण गरियको फर्निचरका संचालक सुर्यचन्द्र खनालले बताउनु भयो । जिल्लामा २०६५ सालदेखि हार्डवर र फर्निचर व्यावसाय गर्दै आउनुभएका उहाले सामाजिक सहयोगका कार्यमा समेत थप अग्रसर बन्दै आउनुभएको छ।

प्रहरीले जिल्लामा ‘तपाइको मास्क खै?’ कार्यक्रम सञ्चालन गरिरहेको छ। विभिन्न संघ सस्थाहरुको आयोजना र प्यूठान प्रहरीको सझेदारीमा कार्यक्रम चलिरहेको जिल्ला प्रहरी प्रमुख नरेन्द्र कुमार कार्कीले बताउनु भयो ।
विजुवार मित्रमणि चोकमा भएको मास्क वितरण कार्यक्रममा प्यूठान जिल्लाका प्रमुख जिल्ला अधिकारी खिमराज भुसाल, जिल्ला प्रहरी प्रमुख , पत्रकार र स्थानीयहरुको समेत उपस्थीत रहेको थियो ।