नव वर्ष २०७५ सालको अवसरमा शुभकामना आदानप्रदान कार्यक्रम बोल्दै नेकपा एमाले जिल्ला कमिटि सचिवालय सदस्य विजय विराज विष्टले व्यवसायीक शिक्षामा जोड दिनुपर्ने बताउनु भएको छ ।

सोमबार स्वर्गद्धारी बहुमुखी क्याम्पस पुण्यखोलामा अनेरास्ववियु क्याम्पस कमिटिले आयोजना गरेको कार्यक्रमा शुभकामना मन्तव्य राख्दै विष्टले कापी कलम बोकेर विद्यालय जाँदैमा उचित शिक्षा प्राप्ती नहुने हुंदा समय परिवर्तनसंगै प्रत्येक विद्यार्थीहरुलाई व्यवसायीक शिक्षातर्फ लौजानु पर्ने बताउनुभयो । विष्टले भन्नुभयो–‘ हरेक क्षेत्रको गुणस्तरीय विकास संगसगैं शिक्षामा पनि सुधार ल्याउने जिम्मेवारी जनप्रतिनिधको काँधमा छ ।’

एमाले निकट विद्यार्थी संगठन अनेरास्ववीयूले शिक्षामा सुधार ल्याउन र गुणस्तरििय शिक्षा प्रदान गर्न धेरै कार्य गरिसेको उहाँको भनाई छ । पूर्व अनेरास्ववीयू अध्यक्ष समेत रहेका उहाँले आगामी दिनहरुमा स्थानीय संरचना अनुसार गाउँपालिका तथा नगरपालिकामा हातेमालो गर्दै अगाडि वढने बताउनुभयो ।

क्यामपस कमिटी अध्यक्ष शिव भण्डारीको अध्यक्षतामा भएको शुभकामना आदानप्रदान कार्यक्रममा अनेरास्ववियू जिल्ला कमिटि पूर्व अध्यक्ष आकाश भण्डारी, अध्यक्ष तिलक हमाल, सचिव जाल बहादुर केसी, प्रेस चौतारी नेपाल जिल्ला अध्यक्ष विजयसिंह भारतीले शुभकामना मन्तव्य राख्नुभएको थियो ।