प्यूठान यातायात व्यवसायिले यात्रूहरुबाट चर्को भाडा असुली गरेको भन्दै युवासंगठन प्यूठानले विरोध तथा अनुगमन गरेको छ । विप्लव नेतृत्वको ने क पा को युवासंगठन नेपाल प्यूठानले शनिवार माण्डवी गाउँपालिका २ जस्पुरमा लामो तथा छोटोदुरीमा संचालन भएका यातायातहरुकोे अनुगमन समेत गरेको हो ।

लामो समय सम्म लकडाउनका कारण यातायात संचालन नभए पछी सरकारले लाग्ने भाडाको २८ प्रतिशत भाडादर वृद्धि गरेता पनि यातायात व्यवसायिले सो भन्दा महङ्गो भाडा असुल गर्न थाले पछी सरोकारवालाको ध्यानकर्षण गर्ने उदेश्यले कार्यक्रम गरेको युवा संगठन नेपालका जिल्ला उपाध्यक्ष हरि वस्नेतले बताउनु भयो ।
। अनुगमन गर्दा यातायात व्यवसायिले यात्रुहरुबाट चर्को भडा असुल गरेको पाइएको संगठनका उपाध्यक्ष बस्नेतको भनाइ छ । छोटो दुरीमा ठिकै भए पनि लामो दुरीमा महङ्गो लिएको पाइएको बस्नेतले बताउनु भयो । अनुगमनको क्रममा कृष्णनगरदेखी आउने यात्रुहरुबाट रु ८ सय, भालुवाङ्गबाट विजुवारका लागि रु ४ सय र घोराहीबाट प्यूठान आएको रु ६ सय, भालुवाङबाट सुलिचौरका लागि ६ सय सम्म लिएको पाइएको बस्नेतले बताउनु भयो । आगामी दिनमा पनि सरोकारवालाले यस विषयमा चासो नदिए युवा संगठनले कार्वाहिको चेतावनी समेत दिएको छ ।
यता यातायात व्यवसायिले यात्रुहरुबाट तोकिएको भन्दा महङ्गो भाडा लिएको पाइएमा तत्काल कार्वाही हुने प्रमुख जिल्ला अधिकारी खिमराज भुसालले बताउनु भयो । जिल्लामा भाडादर कायम गरिएकोले तोकिएको भन्दा महङ्गो भाडा लिइएमा जिल्ला प्रहरी कार्यलय मा जानकारी गराउन सवैलाई भुसालले आग्रह गर्नु भयो । यात्रुहरुले पनि टिकट काटेर मात्र यात्रागर्न भुसलले आग्रह गर्नु भएको छ ।