प्राथमिक स्वास्थ्य केन्द्र खलंगगालाइ निशुल्क जग्गा प्राप्त भएको छ । स्वास्थ्य केन्द्रलाई १५ सैयाको आधारभूत अस्पतालमा स्तरउन्नतिको लागी  आवश्यक पर्ने ७६३ बर्गमिटर (१ रोपनी ८ आना) जग्गा प्राप्त भएको हो । खलंगा डाडापसल हाल कोटेश्वर काठमाडौ निबासी विश्वनाथ श्रेष्ठको परिवारबाट निशुल्क जग्गा प्रदान गरिएको हो ।

खलंगा सरोकार समुहको पहलमा श्रेष्ठ परिवारले २०७७ माघ ८ गते निशुल्क जग्गा उपलब्ध गराउने प्रतिवद्दता जनाएको संयोजक मनोज कुमार श्रेष्ठले बताए । श्रेष्ठ परिवारले आइतवार औपचारिक रूपमा स्वास्थ्य केन्द्रको नाममा रजिस्ट्रेसन पास गरी हस्तान्तरण गरेका छन । आफ्नो जन्मभूमीमा सेवा गर्ने मौका मिलेकोमा आफुलाइ खुसी लागेको विश्वनाथ श्रेष्ठले जानकारी दिए । जग्गादाता श्रेष्ठलाई काठमाडौबाट प्यूठान ल्याउन  सरोकार समूहको संयोजन तथा गाउँपालिकाको सहयोग रहेको थियो ।