गत भाद्र २६ गते उनलाई एक्कासी पेट दुख्यो, घरपरिवार आत्तिदै प्यूठान अस्पताल ल्याए । विजुवार अस्पतालमा सामान्य उपचार गरिसकेपछि उनलाई भैरहवा मेडिकल कलेजमा रिफर गरियो । बविता गुरुङलाई आन्द्रामा समस्या रहेछ । उपचारका लागि भैरहवा त लगियो तर परिवारको आर्थिक अभावका कारण उपचारमा समस्या भएको छ ।
१६ वर्ष की बालिका हिजोआज आर्थिक अभाबका कारण उपचार हुन नसकेर मृत्यू संग लडिरहेकी छन । प्यूठान नगरपालिका ३ मटेङपोखरा निवासी राजेश गुरुङ र आमा संझना गुरुङकी एक मात्र छोरी हुन बविता। मृत्यु संग लडिरहेकी छोरीको उपचार खर्च गर्ने पैसा नभए पछी परिवारमा झनै पीडा थपीदै गएको छ । ‘छिमेकीसंग खोजेर लगेको रुपैयाले आजसम्म त धान्यौ,‘आमाल आसु झार्दै भनिन,‘अहिले सम्म ६ लाख खर्च भइसक्यो ।’ चिकिच्सकले अझै १० देखि १५ लाखसम्म खर्च हुने भनेको उनले बताइन् । छोरीको उपचारको रेख देखमा खटिएकी आमा संझनाका आँखा छोरीको बिमारका कारण जहिल्यै आशुले ओभाना छैनन् ।
बविता ले महेन्द्र मावि खलंगा बाट एस इ इ पास गरेकि छिन । पढ्ने र साथिभाई संग रमाउने उमेरमा यस्तो रोग लागे पछी बविताको ल्याप पढ्ने सपना अधुरै रहेको उनि बताउँछिन । अहिले सम्म पेटको तीन पटक शल्यक्रिया भइसकेको छ निमोनिया पनि भएको उनकी आमा बताउँछिन । बविताको भेन्टीलेटरमा राखेर उपचार भैरहेको छ ।
सहयो जुटाउदैःपाठक
बविता गुरुङ बचाउ भन्दै प्यूठान नगरपालिका ४ जुम्री निवासी हेमन्त पाठक लागि परेका छन । बविता गुरुङकी आमाले रुदै सहयोग गरिदिन पर्‍यो भने पछि सहयोगका लागि पाठक निरन्तर सहयोग अभियानमा लागेको बताए । बविता गुरुङ बचाउनका लागि म लागि परेको पाठकले बताए । आफन्त,नातागोता, सहयोगि मन समाजसेवी बुद्धिजिवीलाई आग्रह गरेको उनले जानकारी दिए । बविता बचाउ अभियानमा हाल सम्म ७ हजार ५ सय सहयोग जुटेको पठकले बताए । बविता बचाउ अभियानमा सहयोग गर्न चाहानेहरुले आमाको मोबाइल नम्बर ९८६६९९०२९९ सम्पर्क गरि सहगोग गर्न पाठकले आग्रह गरेका छन ।