२०७८ असोज २२छोराको उपचार गराउन अस्पताल हिडेकी खिन्ति पुन मगर अहिले प्यूठान अस्पतालमा आइपुगेकी छिन । रोल्पाबाट प्यूठान आएकि पुन मगरले अस्पतालको ५ नं बेडमा छोरो राजेशलाइ उपचार गराइरहेकी छिन । सुलिचौर रोल्पामा उपचार गराउन आएकी उनी त्यहाँ उपचार संभव नभएपछी प्यूठान आउनुपरेको हो ।
अस्पतालका बालरोग विशेषज्ञ डाक्टर सौरब श्रेष्ठका अनुसार बच्चालाई निमोनिया भएको र मुटुमा समस्या रहेको जानकारी दिए । छोरोको पुर्ण उपचारका लागि अझै केहि दिन अस्पताल राखिरहनुपर्नेछ । यहाँ उपचार संभव नभए बाहिर पनि पठाउनुपर्ने चिकित्सकले बताएका छन । साथमा २० हजार रुपैयाँ मात्र लिएर आएकी उनलाइ छोरोको उपचार गराउन आर्थिक समस्याले समस्या पारेको छ ।
‘खिन्तिले गहभरी आँसु ल्याउदै भनिन’, “गाउबाट ऋण काढेर लिएको पैसा एम्बुलेन्स भाडा र गाउँमै उपचार गराउँदा सकियो अब कसरी पैसा जुटाउने होला ।” अहिले बच्चालाई आर्थिक अभाबका कारण डाक्टरले लेखेको औषधि समेत चलाउन सकेकी छैनन ।
आर्थिक अभावमा उपचार गराउन कठिन रहेकी उनले छोरो बँचाउन सबैसँग हारगुहार गरीरहेकी छीन । बच्चालाई राम्रोसँग एन्टिबायोटिक चलाए केही सुधार हुन सक्ने बताएका छन । तर सामान्य ओषधि पनि उनले किन्न सकेकी छैनन । अहिले अस्पतालबाटै सहजीकरण गराउदै बच्चाको उपचार भैरहेको चिकित्सकले बताए ।
रोल्पाको लुङगृ घर भएकी खिन्तीले आफ्नो श्रीमान बच्चाको उपचारको लागि ऋण काढ्न गाउँ गएपनि पैसा लिएर अँझै आएका छैनन । आर्थिक अभाबले प्युठान अस्पतालको शैयामा छटपटाईरहेका बालकको उपचारको लागि हार गुहार गरीरहेकी आमाले सबैसँग सहयोगको याचना गरीरहेकी छिन । सहयोगी मनहरुले सहयोगका लागि उपचाररत बच्चाकी दिदिको सम्पर्क नम्बर 974-6388321 रहेको छ ।
