झुलेनी नेटवर्क२०७८ कार्तिक ३, प्यूठान
२०७८ कार्तिक ३, प्यूठानसोमबारदेखि परेको अविरल वर्षा पछि आएको बाढिले बगाउँदा एक जनाको मृत्यु भएको छ भने २ जना बेपत्ता छन् ।
माण्डवी गाउँपालिका स्थित अरङखोलामा आएको बाढीले बुधबार विहान बगाउँदा माण्डबी ४ आपचौर निबासी २८ वर्षीय देवीसरा कार्कीको मृत्यु भएको प्रहरीले जनाएको छ ।
कार्कीको शव माण्डवी–२ ढिकावनमा फेला परेको जिल्ला प्रहरी कार्यालय प्यूठानका प्रहरी प्रमुख डिएसपी शुनिल मल्लले जानकारी दिए । उनका दुई बर्षिय छोरा दिनेश कार्की र स्थानीय मधु अधिकारीको ८ बर्षीया छोरी अनुस्का अधिकारी बेपत्ता छन् ।
सुरक्षाकर्मी र स्थानीय मिलेर बेपत्ताहरुको खोजीकार्य भइरहेको मल्लले जानकारी दिए । सोमबार देखि जिल्लामा निरन्तर पानी परेकाले खोला र नदिहरुमा पानीको बहाव बढेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
