दाङमा लामो समयदेखि भवनको अभावमा अवरुद्ध रहेको क्षयरोग परिक्षणका लागि जिन एक्स पर्ट मेसिन सुचारुमा आएको छ ।

क्षयरोग निदानका लागि प्रभावकारी मानिने उक्त मेसिन शुक्रबार एक कार्यक्रमका बिच उद्घाटन गरिएको हो ।

राप्ती विज्ञान प्रतिस्ठान घोराहि दाङमा जिन एक्स पर्ट मेसिन भवनको अभावमा एत्तिकै थन्किएको थियो । अहिले सेभ द चिल्ड्रेन र किड्स नेपाल को सहयोगमा भवन निर्माण भएपछी शुक्रबार राप्ती विज्ञान प्रतिस्ठान अस्पतालका निर्देशक डाक्टर प्रज्ञा बस्नेत द्वारा उद्घाटन गरिएको छ ।

कार्यक्रममा बोल्दै सेभ द चिल्ड्रेनका वरिष्ठ कार्यक्रम प्रवन्धक मिमवहादुर सिँह ले क्षयरोगका बिरामी पत्ता लगाउनको लागि जिन एक्स पर्ट सेवा प्रभावकारी रहेको बताए । बिरामी खोज्नका लागि खकार ढुवानी कार्यक्रम , सम्पर्क परिक्षण कार्यक्रम, बालबालिकामा क्षयरोग निदान कार्यक्रम लुम्बिनी कर्णाली प्रदेश लगाएत नेपालका विभिन्न स्थानहरुमा संचालनमा रहेको बताए । साथै दाङमा उक्त कार्यक्रम कोसेढुङा (सकारात्मक तथा महत्वपुर्ण भुमिका) साबित हुने उनले बताए ।

त्यस्तै राष्ट्रिय क्षयरोग कार्यक्रम किड्स दाङ परियोजना प्रमुख मधब खनाल ले सेवा सुचारु भएपछी प्रविधिले क्षयरोग निदान र व्यवस्थापनमा ठूलो सहयोग पुग्ने र सेवाग्राही बाहिरी जिल्ला धाउनुपर्ने बाध्यताको अन्त्य भएको बताए ।
कार्यक्रममा कपिलवस्तु ईन्टिग्रेटेड डेभलप्मेन्ट सर्भिस ( किड्स ) परियोजना लुम्बिनी प्रदेशका संयोजक भिमा पराजुलीको समेत उपस्थिति रहेको थियो ।