२०७८ कार्तिक १६सदरमुकाम खलंगाको ब्यस्त ठाउँ खलङ्गा बसपार्क हो । यहाँ बिहानदेखि बेलुकासम्म छोटो तथा लामो दुरीका सवारी साधनमा ओहोरदोहोर गर्ने यात्रु हिडिरहन्छन् । त्यत्तिकै मात्रामा स्थानीयवासी किनमेलका लागि खलंगा बसपार्कमा पैदलै पुग्छन् । यहाँबाट प्यूठान र अर्घाखाँची भित्रिने र बाहिरीने छोटा तथा लामो दुरीका सवारी साधन ओहोर दोहोर गर्छन् ।
तर स्थानीय ब्यापारीले सडक छेउँ ढाकेर ब्यापार गर्नाले सडक साँघुरो बनेको छ । किरानासँगै बसपार्कका केहिँ ब्यवसायीले बाटोमै ग्याँस राखेर बिक्रि वितरण गरीरहेका भेटिन्छन् । सडकमा कुनैपनि बस्तु राखेर बिक्रि वितरण गर्न पाइदैन । सडकमा ग्याँस सिलिण्डर राख्नु जोखिम हुन्छ ।
सिलिन्डरमा प्रज्वलनसिल पदार्थ ग्याँस हुने भएकाले खुल्ला रुपमा राखीएका सिलिण्डिरबाट दुर्घटना र विष्फोट हुने खतरा बढी हुन्छ । ब्यस्त सडकमा राखिएका सिलिन्डरबाट पैदल यात्रुलाई जोखिम बढेको छ । त्यससँगै गाडी गुड्नका लागि समेत सडक साघुरो भएकाले ठोक्किने डर हुन्छ ।
जथाभावी राखिएका सिलिण्डर समयमै नहटाउने हो भने दुर्घटनाको चिन्ता बढेको स्थानीयवासी बताउँछन् । यसमा सरोकारवालाको समयमै ध्यान जानु जरुरी छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
