![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2018/07/DSC0008-602x400.jpg)
प्रदेश नं ५ का भूमि व्यवस्था ,कृषि तथा सहकारी मन्त्री आरती पौडेलले आधुनिक प्रविधी प्रयोग गरि बाझो रहेका जग्गालाई व्यवस्थीत ढंगबाट स्मार्ट खेती गुर्नु पर्ने बताउनु भएको छ । त्यसका लागि जग्गा वाँझो राख्नेलाई कारवाही हुने निती वनाउने उहाँको भनाई रहयो।
वुधवार सहकारी हरुका लागि क्षमता विकास संस्थागत सुदृढिकरण (कोपोमिस) तालिमको उद्घाटन गर्दै पौडेलले नयाँ यान्त्रीकरण प्रयोग गरि व्यवस्थित खेति गर्नुपर्ने बताउनुभयो । कृषिलाई सम्मानित पेशा बनाई जिल्लालाई चिनाउनको लागि सहकारीको महत्वपूर्ण भूमिका भएको बताउदै उहाँले स्थानिय, प्रदेश र केन्द्रिय सरकारबाट किसानहरुको मर्म बुझि बजेट विनियोजन गरिनुपर्नेमा जोड दिनुभयो ।
तालिम उद्घाटन सत्रको प्रमुख अतिथि समेत रहनुभएकी मन्त्री पौडेलले प्रदेश भित्र भएका १२ ओटा जिल्लालाई कुनै पनि क्षेत्रमा विभेद नगरी राज्यको दृष्टि नपुगेको ठाउँमा किसानलाई सहज हुने कृषि गर्न बातावरण मिलाउने बताउनुभयो । प्रदेश सरकारले कृषिलाई आधुनिकिरण गर्नका लागि प्युठानमा २ वटा स्मार्ट कृषि घरको अवधारणा अगाडी सारेको समेत उहाँले बताउनुभयो । साथै परिवेश अनुसार अध्ययन गरि कृषि विज्ञलाई किसानको खेतबारीमा ल्याउने व्यवस्था प्रदेश सरकारले स्थानीय सरकारलाई जिम्मा लगाउने समेत उहाँले बताउनुभयो । किसानले उत्पादन गरेको दुग्ध प्रदार्थलाई बजारीकरण गर्नका लागि जिल्लामा दुध ट्याकंरको व्यवस्था प्रदेश सरकारले अघी सारेको उहाँले बताउनुभयो । त्यस्तै कृषि गरिरहेका तर जग्गा नभएका किसानहरुका लागि ठेक्कामा करार खेतिे गर्ने योजना समेत अगाडी सारेको बताउनुभयो ।
प्रदेश सरकार नयाँ संरचना अनुसार अगाडी वढेको उहाँले बताउनुभयो । उहाँले भन्न्ुाभयो,‘हामी नीति नियम बनाउनमै व्यस्त छौँ । ’ स्थानिय सरकार संग समन्वय गरि सहकारीको क्षेत्रमा योजना संगै बजेट छुट्टाएको उहाँले बताउनुभयो ।
तालिम उद्घाटन कार्यक्रमका विषेश अतिथि राष्ट्रिय किसान आयोगका केन्द्रिय सदस्य रविन्द्र केसीले सहकारीलाई व्यवस्थित तरिकाले सञ्चालन गर्नको लागिे तालिम सञ्चालन गरिएको बताउनुभयो । जिल्लालाई कुनै बस्तुमा आत्मनिर्भर बनाउनको लागि सहकारीको महत्वपूर्ण भूमिका भएको बताउनुभयो । गाउँमा रहेका जग्गालाई बाझोँ राख्न नदिई सहज तरिकाले कृषियोग्य भूमि बनाउनमा जोड दिनुपर्ने बताउनुभयो । जिल्लामा सहकारी सञ्चालन गर्न सहज होस भन्ने उदेश्यले राष्ट्रिय सहकारी बैंक स्थापना गर्न लागेको समेत केन्द्रिय सदस्य केसीले बताउनुभयो ।
त्यस्तै प्युठान नगरपालिका प्रमुख अर्जुनकुमार कक्षपतिले कृषि गर्ने किसानलाई सबै पक्षबाट सहयोग गर्ने बताउनुभयो । सूचना जस्ले बुझछ् त्यो किसान अगाडी वढने समेत उहाँले बताउनुभयो । जिल्ला कृषि सहकारी संघ प्युठानको आयोजना तथा कृषि सधार तथा सहकारी मन्त्रालय काठमान्डौको सहयोगमा तालिम २ दिन सम्म सञ्चालन हुने कृषि सहकारी संघका जिल्ला अध्यक्ष दिन बहादुर जिसीले बताउनुभयो ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)