प्यूठान । सोमवार दिउँसो भएको अटो रिक्सा दुर्घटनामा २ जनाको ज्यान गएको छ । बिजुवार देखि स्वर्गद्वारी जाँदै गरेको अटो र बिपरित दिसा तर्फबाट आउदै गरेको टिप्पर चकचके र चेरनेटाको बिच सडकको मोडमा दुर्घटना भएको हो ।  रा १ ह ५७०७ नम्बरको अटो रिक्सालाइ विपरित दिशाबाट आएको ना ८ ख ३९०३ नं को ट्रिपरले ठक्कर दिएको प्रत्यक्षदर्शिले बताए । अटोमा एउटै परिवारका सदस्य स्वर्गद्वारी दर्शनका लागि सवार थिए ।

दुर्घटनामा प्युठान न.पा. ३  घुर्चने निवासी वर्ष ३५ का अमृत थापा र वर्ष ४ का सुसान्त थापाको घटना स्थलमै ज्यान गएको प्रहरीले जनाएको छ । दुर्घटनामा ४ जना घाइते भएका छन । घाइते हुनेहरुमा वर्षा ८ कि  दुर्गा थापा, वर्ष ३० कि पुनम थापा, वर्ष १६ कि विपना थापा र वर्ष १० का  शुष्मा थापा रहेका छन् । घाइतेहरुको प्यूठान अस्पताल विजुवारमा उपचार भइरहेको छ ।

घटनापछी अटो ड्राईभर फ्रार रहेका छन भने टिप्पर र टिप्पर चालकलाइ प्रहरिले नियन्त्रणमा लिइ अनुसन्धान थालेको छ ।