पछिल्लो २ वर्षदेखि कोभिड–१९, कोरोना संक्रमणले विश्वभरका नागरिकलाई ग्रसित बनायो । नागरिक आफै जिम्मेवार नहुँदा धेरैले ज्यान समेत गुमाउनुप¥यो। मास्क लगाउने, सेनिटाइजरको नियमिति प्रयोग गर्ने तथा सावुनपानीले मिचि मिचि हात धुन पनि प्रहरीले भन्नुपर्ने अवस्था थियो ।

तर यो वर्ष पनि विश्व स्वास्थ्य संगठनले “ओमिक्रोन भेरियन्ट” लाई ‘भेरियन्ट अफ कन्सर्न’ मा नामकरण गर्दै संसारमा “खतराको घन्टी बजेको” चेतावनी दिएको छ । ओमिक्रोन भेरियन्ट भाइरसको बाहिरी सतहमा रहेको स्पाइक जीनमा बत्तीस (३२) वटा उत्परिवर्तनहरु आनुवंशिक अध्ययनले पुष्टि गरेको छ । यसको संक्रमण नेपालमा पनि विदेशबाट आएका २ जना नागरिकलाई भेटिएको पुष्टि भएको छ ।

यसैकारण प्रहरीले विगतमा जस्तै तपाईको मास्क खै अभियान चलाएको छ । जिल्ला प्रहरी कार्यालय प्यूठान लगायत मातहतका इकाइका कार्यालयहरुले निशुल्क मास्क वितरण गर्नेदेखि लिएर मास्क नलगाउनेहरुलाई सचेत गराउँने अभियानको थालनी गरेको छ ।

प्रहरी देख्ने बित्तिकै मास्क लगाउने नागरिक आफै जिम्मेवार बन्न जरुरी छ । मास्क प्रहरीका लागि लगाइदिने नभएर स्वयम आफ्नो सुरक्षाका लागि मास्कको प्रयोग अनिवार्य हो । सबै नागरिक आफ्नो सुरक्षाका लागि जिम्मेवार बनौं, सचेत रहौं, आफू पनि जोगिऔं र अरुलाई पनि जोगाऔं l