News Portal

रेडियो सुन्नुहोस्

मसाल फुटेको फुट्यै : ८७ बर्षको उमेरमा मोहनबिक्रमको कठैबरा यो दुःख !

झुलेनी पोष्ट२०७८ पौष ८
८२१ पटक
२०७८ पौष ८

नेकपा मसाल केहि महिना अँघि फेरी फुटेको हो । अहिले पछिल्लो पटक गोविन्दसिंह थापा, सन्तबहादुर नेपाली र विमल शर्मा लगायतको नेतृत्वमा पछिल्लो तर भयानक ठूलो विभाजन भएको छ । पार्टी फुटेसँगै मोहनबिक्रम सिंह फेरी गाउँ घुम्न थालेका छन् । कैयौं पटक पार्टी फुट्दा पनि मेटिन लागेको अस्थित्व जोगाउन यो बुढ्यौलीमा सिंह गाउँभेलामा सहभागी भएको तस्बिर सार्वजनिक भएको छ ।

बुधवार दिउँसो प्यूठान नारीकोटमा भेला गरेको तस्बिर सार्वजनिक भएसँगै उनको यो बुढ्यौली उमेरमा गाउँ चाहारेको विषयप्रति नेता सूर्य थापाले ब्यङ्ग्य गर्दै आराम गर्न आग्रह गरेका छन् । नेकपा एमाले प्यूठान जिल्ला इन्चार्ज थापाले यही विभाजनको असरलाई चिर्न ८७ बर्षको उमेरमा महामन्त्री मोहनविक्रम सिंह प्यूठानमा घरदैलो र वडा भेलाहरू गर्दै हिडिरहनुभएको छ ! महामन्त्रीलाई यस्तो चटारो आफैमा नमिल्दो देखिन्छ । यस्तो दुःख किन दिएका होलान् ? उनले सामाजिक सञ्जाल मार्फत कडा टिप्पणी गरेका छन् ।

नेता सूर्य थापाले लेखेको टिप्पणी यस्तो छ ।

८७ बर्षकाे उमेरमा कठैबरा याे दु:ख !
नेकपा मसाल फेरि फुट्याे । याे कतिओैं पटककाे फुट हाे ? गनिसाध्ये छैन। २०३१ सालयता नेकपा चाैमबाट निर्मल लामा, माेहनविक्रम सिंह र माेहन वैद्यकाे नेतृत्वमा फुट भयाे । २०४२ मा पार्टी विभाजन गरी सिंह-केसीले नेकपा मसाल बनाइसकेपछि विभिन्न समयमा त्यस पार्टीबाट मणि थापा र भरत दहालकाे साथमा डाइनामिक युथ लिग, हरिबाेल गजुरेल, टाेपबहादुर रायमाझी र डा. बाबुराम भट्टराईकाे नेतृत्वमा, दिनानाथ शर्माकाे नेतृत्वमा, रामसिंह श्रीष, परि थापा र नवराज सुवेदीकाे नेतृत्वमा तथा डिलाराम आचार्य र गिरिधारीलाल न्याैपानेहरूकाे नेतृत्वमा पटकपटक विभाजन भएकाे इतिहास छ ।
र,अहिले गाेविन्दसिंह थापा, सन्तबहादुर नेपाली र विमल शर्मा लगायतकाे नेतृत्वमा पछिल्लो तर भयानक ठूलाे विभाजन भएको छ। यस पटककाे विभाजनमा केही महत्त्वपूर्ण र सही कारण एवं विश्लेषण छन्।
यही विभाजनकाे असरलाई चिर्न ८७ बर्षकाे उमेरमा महामन्त्री माेहनविक्रम सिंह प्यूठानमा घरदैलाे र वडा भेलाहरू गर्दै हिडिरहनुभएकाे छ! महामन्त्रीलाई यस्ताे चटारो आफैमा नमिल्दो देखिन्छ। यस्ताे दु:ख किन दिएका हाेलान् ?
कुरा यत्ति हाे कि दक्षिणपन्थी राजनीति र पारिवारिक क्लबमा परिणत पार्टीको आजकाे स्थितिप्रति हामीलाई केही भन्नुु छैन।
याे स्वभाविक हाे । यस विभाजनमा कथित पाँच टुक्राहरूकाे गठबन्धनमा सहभागी राष्ट्रिय जनमाेर्चाकाे एक बर्षयता जारी अराजनीतिक, स्वार्थी र जनादेशविपरित परमादेशकाे पक्षधरताप्रति तमाम प्रश्न उठाएर त्यसकाे खिलाफमा भएको विभाजन सही र जायज छ।
हुन त २०१० सालअघि माेहनविक्रम सिंह मातृकाप्रसाद काेइरालाकाे राष्ट्रिय प्रजा पार्टी र त्यसअघि नेपाली काँङ्ग्रेसमा हुनुहुन्थ्यो । ६७ बर्षपछि उहाँको राजनीति २०१० अघिकै सेराेफेराे पुगेकोमा चाहिँ आश्चर्य लाग्छ। उग्रवामपन्थी राजनीतिकाे पतन दक्षिणपन्थमा पुगेर हुने उहाँकाे प्रशिक्षण लिएकाहरूलाई त थप केही संझाइरहनु नपर्ला नै।
२०७४ काे आम निर्वाचनमा माेहनविक्रम सिंह वामपन्थी मत, मुख्यतः नेकपा एमालेकाे सहयाेगमा आफ्नी श्रीमती दुर्गा पाैडेललाई प्यूठानबाट प्रतिनिधिसभामा निर्वाचित गर्ने गठबन्धनमा हुनुहुन्थ्यो र प्यूठानमा स्वयं चुनाव प्रचारप्रसारमा यसैगरी सक्रियताका साथ लाग्नुभएको थियाे। तर त्याे विश्लेषण र गठबन्धनकाे घाेषणाविपरित नेकपा एमालेकाे सरकार ढाल्न प्रयाेग भएर यतिखेर देउवा सरकारकाे नि:शुल्क सारथि र बैशाखी बन्दै उहाँकै नेतृत्वमा वामपन्थी जनमतलाई विश्वासघात गरिएको छ।जनतामा जानुलाई कथित प्रतिगमन भन्ने भ्रान्त विश्लेषणकाे शिकार नेकपा मसाल बनेकाे छ। यही गलत राजनीतिविरूद्द समेत पछिल्लो याे फुट भएको छ। खासमा राजनीति बेठीक हुँदा नै सबै चिज बेठीक हुने हाे। पार्टी न यसरी फुट्छ नै, कार्यकर्ता र जनताले पनि छाड्छन्। यही भएको हाे।
यति धेरै पटक विभाजन भएर अस्तित्व रक्षाकाे संकटमा गुज्रिरहेकाे समूह अब किमार्थ जाेगिने स्थिति छैन। पुष्पलालले संयुक्त जनआन्दाेलनकाे नीतिअन्तर्गत नेपाली काँग्रेससँग सहकार्य गरी पञ्चायत फाल्न जाेड दिनुहुँदा ‘गद्दार पुष्पलाल’ लेख्नुहुने आनन्दबहादुर क्षेत्री उर्फ माेहनविक्रम सिंहलाई आज आफू र आफ्नाे समुहकाे कम्युनिस्टविराेधी र देउवापरस्त साेंचाइ, नीति र व्यवहार स्वयंलाई कस्ताे लागिरहेकाे हाेला ?
नेपालकाे कम्युनिष्ट आन्दाेलनमा हामीजस्ता पछिल्लो पिढींका कार्यकर्ताहरू कामरेड माेहनविक्रम सिंहकाे याे हविगत दु:खदायी छ। हुन त उहाँको महामन्त्री पदकाे जिम्मेवारी नै मेराे सिंगाे जीवन बराबरी अर्थात ४७ बर्ष पुगेकाे छ। तर असफलता, विभाजन र एक्लाेपन – अब उहाँको परिचय भएको छ।
व्यक्तिगत र मानवीय रूपमा म उहाँलाई अनुराेध गर्न चाहन्छु- पुसकाे चिसाेमा आफ्नाे राम्राे ख्याल गर्नुस, आराम गर्नुस र समुहस्वार्थकाे राजनीतिबाट अब सन्यासकाे घाेषणा गर्नुसर हामी सबैकाे साझा सम्मानकाे पात्र बन्नुस। तपाईंको नेतृत्वमा क्रान्ति भएन, परिवर्तनकाे नेतृत्व गर्न सक्नुभएन, राष्ट्रकाे समृद्धि र जनताकाे जीवनमा खुशियाली ल्याउन त संभव भएन । अब याे वास्तविकता त स्वीकार्नुस। स्वीकार्न अप्ठ्यारो परेकाे वस्तुगत यथार्थ यही हाे।
ओखरकाेटमा नयाँ घर बनाउनुभएकाे थाहा पाउँदा खुशी लागेकाे छ। बरू त्यहीं भेट गर्न बाेलाउनुस। तपाईंका कुरा सुन्न र भेट्न चाहनेहरू आइहाल्छन्। यसाे गर्नु नै उपयुुक्त हाेला।
झिमरूकका अध्यक्ष तिलक जिसीजी यसाे गरे कसाे हाेला?
प्रतिकृया दिनुहोस्

आगलागी सम्बन्धी कृतिम अभ्यास कार्यक्रम बिजयनगरमा सम्पन्न

“समुदायको अगुवाईमा विपद जोखिम न्यूनीकरण परियोजना” अन्तर्गत आगलागी सम्बन्धी कृतिम अभ्यास कार्यक्रम बिजयनगरमा सम्पन्न भएको...

आजदेखि नयाँ शैक्षिक सत्रको भर्ना अभियान सुरु

नयाँ शैक्षिक सत्र २०८१ को विद्यालय भर्ना अभियान आजदेखि सुरु भएको छ । ‘सबै बालबालिकाको...

२०८२ मा उज्यालो प्यूठान घोषणा हुने

२०८२ सालसम्म प्यूठान जिल्ला पूर्ण विद्युतिकरण हुने नेपाल विद्युत प्राधिकरण वितरण केन्द्र प्यूठानले जनाएको छ...

मल्लरानीमा दोस्रो (फूडफेस्टिवल) खाना महोत्सव सुरु

मल्लरानीमा आजदेखि खाना महोत्सव सुरु भएको छ । नयाँ बर्षमा मल्लरानी जाऔं, प्राकृतिक रमणीय दृश्यवलोकनका...

अहिलेको शैक्षिक अवस्था, एक चिन्तन

आजभोली विद्यालय शिक्षाको बार्षिक नतिजा प्रकाशनको समय भएकोले नतिजा प्रकाशन र यसका सन्दर्भमा विभिन्न कोणबाट...