प्रहरीले जेनजी आन्दोलनको नाममा भाद्र २४ गते प्यूठानमा तोडफोड र आगजनीमा संलग्न  भएकाहरूको सूची तयार गरेको छ । भिडियो फुटेज र सादा पोसाकमा खटिएका प्रहरीको सूचनाको आधारमा संलग्नहरूको सूची तयार पारिएको प्रहरीले जनाएको छ ।

१ सय भन्दा बढी व्यक्तिहरूको सूची तयार भएको प्रहरी श्रोतको भनाई छ । भदौ २४ गते नेकपा एमाले, नेपाली काँग्रेस, नेकपा माओवादी केन्द्र र राष्ट्रिय जनमोर्चाको पार्टी कार्यालय एवं सहिद प्रतिष्ठानका भवनहरूमा तोडफोड गरिएको थियो । तीमध्ये कतिपय स्थानमा आगजनी र लुटपाट समेत गरिएको थियो ।

तोडफोडमा संलग्नहरूको सूक्ष्म अनुसन्धानमार्फत सूची तयार भए पनि सार्वजनिक गरिएको छैन ।