२०७८ पौष १८नेकपा एमाले जिल्ला कमिटि प्यूठानको आसन्न नवौं जिल्ला अधिवेशन यहि पौष २३ र २४ गते विजुवारमा आयोजना हुने भएको छ । जिल्ला अधिवेशन उद्घाटनका लागि नेकपा एमालेका उप–महासचिव तथा पूर्व परराष्ट्रमन्त्री प्रदिप ज्ञवाली आउने कार्यक्रम रहेको एमाले प्यूठानले जनाएको छ ।
कार्यक्रमको सम्बोधन गर्न ज्ञवाली सहित नेकपा एमाले स्थायी कमिटि सदस्य मणीचन्द्र थापा, पोलिटव्युरो सदस्य तथा प्यूठान जिल्ला इन्चार्ज सूर्य थापा, केन्द्रिय सदस्य तथा जिल्ला सह इन्चार्ज हरीप्रसाद रिजाल लगायतले सम्बोधन गर्ने कार्यक्रम रहेको छ ।
अधिवेशनमा ४ हजार ८ सय ३३ पार्टी सदस्यहरू मध्येबाट जिल्लाभरि करिब ५ सय ५० जना प्रतिनिधिहरू सर्वसम्मत रुपमा छानिएका छन् ।
जिल्लाका ६४ वटै वडामा प्रतिनिधिहरु सर्वसम्मत रुपमा छानिएको एमाले प्यूठानले जनाएको छ । अधिवेशन सम्पन्न गर्नका लागि एमाले प्यूठानले बिभिन्न उपसमिति गठन गरी प्रचार प्रसारलाई तिब्रता दिएको प्रचार विभाग प्रमुख नेगनसिंह कुवरले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
