२०७८ माघ २१आइ.एम.ई. लाइफ इन्स्युरेन्स प्यूठानले बिमितको परिवारलाई घरमै पुगेर मृत्यु दाबी भुक्तानी गरेको छ । ऐरावती गाउँपालिका ५, खवाङ निवासी मिलन के.सी.को परिवारलाई भुक्तानी दिइएको शाखा प्रमुख विष्णु पाण्डेले जानकारी दिए ।
निर्माण व्यवसायी बिमित के.सी.को ५ महिना अँघि भदौ ३० गते २७ वर्षको उमेरमा असामयिक निधन भएको थियो । बिमितिले विजुवार निवासी भुपेन्द्र श्रेष्ठ मार्फत २०७६ भदौ २० गते आइ.एम.ई. लाइफ इन्स्युरेन्समा बिमा गराएका थिए ।
श्रेष्ठका अनुसार के.सी.ले २० लाख रुपैयाँको २० वर्षे (धन सरिता ५ प्रतिशत मोनि ब्याक) प्लानको जीवना बिमा गराएका थिए ।
बिमितले आफ्नो बिमाको २ किस्ता रकम २ लाख ११ हजार १ सय अठासी रुपैया जम्मा गरेका थिए ।
बिमितको परिवारलाई २० लाख ७८ हजार रुपैयाको चेक घरमै पुगेर दिइएको हो । दाबी भुक्तानी कार्यक्रममा कम्पनिका प्रदेश प्रमुख प्रेम तिमिल्सिना, ऐरावती गाउपालिका अध्यक्ष नबिल बिक्रम शाह, बिमा कम्पनीका कर्मचारी तथा एजेन्सी म्यानेजर, स्थानीयवासी लगायतको सहभागिता थियो ।
