२०७८ फागुन ३लुम्बिनी प्रदेश स्थापना दिवसको अवसरमा नौबहिनी गाउँपालिका –६, लुङ बाहानेमा एकृकित जनस्वास्थ्य अभियान शिविर सुरु भएको छ ।
स्वास्थ्य कार्यालय प्यूठानको आयोजना र नौबहिनी गाउँपालिकाको समन्वयमा शिविर संचालन गरिएको हो ।
शिविरमा गाउँपालिका भित्रका ८ वटै वडाका नागरीकले सेवा लिन पाउने छन् । उक्त शिविरमा फिस्टुला तथा पाठेघर मुखको क्यानसर, संङकास्पद कुष्टरोग, क्षयरोग, उच्च रक्तचाप र मधुमेहका बिरामीहरुलाई चेकजाच गरिएको छ ।
शिविर सञ्चालनको पहिलो दिन २ सय १३ जनाले सेवा लिएका छन् । जसमा ५३ जना पुरुष र १ सय ६० जना महिला रहेका छन् । पाठेघर सम्बन्धी समस्या भएका महिलाका लागि महिला विशेषज्ञद्धारा सेवा दिईएको शिविरमा संग्लन डाक्टर पारुल खड्काले जानकारी दिएका छन् ।
चेकजाच गराएका मध्ये २ जना महिलाहरुकोे पाठेघरमा गम्भिर खालको समस्या देखिएको पनि खड्काले झुलेनी पोष्टलाई जानकारी दिए ।
दुर्गम ठाउँमा पनि स्वास्थ्य सेवाको पहुच पु¥याउने उद्देश्यले शिविर संचालन गरिएको हो ।
यो संगै शिविर सञ्चालनको पहिलो दिनमा ४४ जनाले कोभिड —१९ बिरुद्धको पहिलो मात्रा खोप लगाएको स्वास्थ्य कार्यालय प्यूठानका कोरोना फोकल पर्सन पुस्कल श्रेष्ठले जानकारी दिएका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
