झुलेनी पोष्ट२०७८ फागुन ४
२०७८ फागुन ४युवा संगठन नेपाल प्युठानकाे आयोजनामा प्यूठानमा सडक संवाद कार्यक्रम आयोजना गरीएको छ । कार्यक्रममा नेकपा एमाले, राष्ट्रिय जनमाेर्चा, विप्लव निकट नेकपा लगायतका नेताहरु बक्ताका रुपमा सहभागी थिए । कार्यक्रममा सहभागीहरुले एमसिसि घातक रहेकाेले सदनमा पास हुन नदिनकाे लागि जस्ताेसुकै कदम चाल्न तयार रहेको जनाउँदै ऐक्यवद्धता जनाएका छन् ।
कार्यक्रममा बाेल्ने बक्ताहरुले याे घातक कार्यका लागि सवै जनताले बिराेध गर्न आग्रह गरेका छन । साथै कार्यक्रम मार्फत एमसिसीकाे पैसा आवश्यक नरहेको र सरकारलाई चन्दा उठाएरै आर्थिक सहयाेग गर्न अभियान थालेको युवा संगठन नेपाल लुम्बिनी प्रदेशका संयाेजक हरि बस्नेतले बताए । संगठनले उठाएकाे सहयाेग रकम जिल्ला प्रमुख अधिकारी मार्फत मन्त्रालयमा बुझाउने बस्नेतले बताए।
