सुजाता थापा क्षेत्री२०७८ फागुन १२, प्युठान
२०७८ फागुन १२, प्युठान सरुमारानी गाउपालिकाको ६ वटै वडाहरुमा बुधबार सुनौलो १ हजार दिनका आमाहरूलाई पोषण सुधारमा सहयोग गर्ने उदेश्यले उनीहरुलाई कुखुराको चल्ला वितरण भएको छ।
गाउँपालिकाको आ. व. २०७८/०७९ को वार्षिक स्वीकृत बहुक्षेत्रीय पोषण कार्यक्रम अन्तरगत प्रत्येक वडाहरुमा ३०/३० जनाको दरले १८० आमाहरुलाई ५/५ वटाका दरले ९ सय कुखुराको चल्ला वितरण गरिएको पशु सेवा शाखा प्रमुख केशब गिरिले बताए ।
उनका अनुसार सुनौलो १ हजार दिन अन्तर्गत गर्भावस्थाको ९ महिना अर्थात २७० दिन र बच्चा जन्मेको २ वर्ष अर्थात ७३० दिनको अवधिलाई सुनौलो हजार दिन ( आमा र बच्चाको गोल्डेन डे) मानिने उनको भनाइ छ।
उक्त कार्यक्रम प्रत्येक वडामा सोहि वडाको वडाध्यक्षको अध्यक्षतामा सम्पन्न गरिएको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
