२०७८ फागुन १८अखिल नेपाल स्वतन्त्र विद्यार्थी युनियन प्यूठानले प्यूठान नगरपालिकाको शिक्षा, युवा तथा खेलकुद शाखामा गत माघ २७ गतेदेखि लगाएको ताला बुधबारदेखि खुलेको छ ।
प्यूठान नगरपालिका र अनेरास्ववियुबिच ताला खुलाउने बिषयमा सहमति भएपछि ताल खुलाइएको हो ।
अनेरास्ववियु लगायत शिक्षा सम्बद्ध सरोकारवालाहरुबिच शैशिक गुणस्तर सम्बन्धमा सहकार्य गर्ने, नगरपालिकाले शिक्षा सम्बन्धि गतिविधिहरु गर्दा शिक्षा ऐन तथा प्रचलित कानूनको पूर्ण पालन गर्ने गराउने, विद्यालयहरुको शैक्षिक सुधारका लागि शैक्षिक सत्र सुरुहुनु अगावै सबै सरोकारवाहरुबिच अन्तरक्रिया गर्ने, नगरपालिकाको शिक्षा, युवा तथा खेलकुद शाखामा कामकाजमा रहेका मा.शि.(द्वितीय) विष्णुप्रसाद पोखरेललाई आफ्नै दरबन्दिमा काजफिर्ता गर्ने सहमती भएपछि प्यूठान नगरपालिकामा लगाइएको ताला खोलिएको अनेरास्ववियु प्यूठानका अध्यक्ष जाल बहादुर क्षेत्रीले जानकारी दिए ।
