हेमन्त पाठक२०७८ फागुन २०
२०७८ फागुन २०प्यूठान नगरपालिका–७, पुण्यखोलामा मोटरसाइकलले ठक्कर दिदा एक जना घाइते भएका छन् ।
बिजुवारबाट बाग्दुला तर्फ जादै गरेको लु ५७ प ३३४६ नम्बरको मोटरसाइकलले पूण्यखोला निबासी ५५ वर्षिय रन बहादुर घर्तिलाई ठक्कर दिएको हो ।
घाईतेलाई प्यूठान अस्पतालमा सामान्य उपचारपछि थप उपचारका लागि बुटवल रिफर गरिएको जिल्ला प्रहरी कार्यलय प्यूठानका सुचना अधिकारी देवी प्रसाद गैरेले जानकारी दिए ।
ठक्कर दिने मोटरसाइकल प्रहरी नियन्त्रणमा रहेको छ । मोटरसाइकल चालक फरार रहेका छन् । घाईतेका आफन्तले मोटरसाइकल चालकलाई पक्राउ गरी कानुनी कारवाहीका लागि माग गरेका छन् ।
उनीहरुले उचित क्षतिपुर्तिको माग राख्दै पुख्यखोला क्याम्पस अगाडी चक्काजाम गरेका छन् । मोटरसाइकल चालकलाई छिटोभन्दा छिटो कानुनी दायरामा लिन आफन्तहरुको माग रहेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
