News Portal

रेडियो सुन्नुहोस्

चुनावका कुराः दिउँसै सपना देखाउने देखि सावधान !

मधुसुदन पोख्रेल२०७८ फागुन २६, प्यूठान
९३७ पटक
२०७८ फागुन २६, प्यूठान

उस्ले भन्यो– तँ कुन पार्टीको मान्छे होस ? यसपाली भोट कस्लाई दिने ? यस्तै प्रस्नहरु थप्दै थियो । म उसको कुरा सुनिरहेको थिए । बोल्दै जाँदा उस्ले भन्यो म यसपाली त भोट नदिने सोंचमा छु । म केहि बोलिन । उस्ले गुनासोका चांङ तेर्साइरको थियो । मसँग सुन्ने बाहेक उस्लाई दिने केही जवाफ थिएन । उ त एउटा गरिखाने मान्छे हो । उस्को जस्तै गुनासा जनतासँग कति छन कति ? तपाइले कहिले सुन्नु भएको छ ।

हुन त म कुनै दल निकटको मान्छे हैन तर मलाई लाग्छ, समाजमा केहि गर्छु भन्नेका लागि अवसर दिनु पर्छ र उस्लाई मनै देखि सहयोग पनि गर्नु पर्छ । समाजमा समाज सेवा गर्छु भनेर धेरै मान्छेहरुलाई प्रलोभन देखाएर ठगी धन्दा चलाउने, राजनीतिको खोल ओढेर जनता झुक्याउने प्रवृत्तीले हाम्रो समाजमा जरा गाडेको छ । समाज रुपान्तरणका लागि युवाहरुलाई अवसरको बाटो खुल्ला गर्नुको साटो तानातान र हानाहान मात्र गरेको देख्दा मलाई मात्र हैन गाउँका सोझा जनताहरु पनि राजनीति प्रति वाक्क भएका छन ।

स्थानीय चुनाव आउदै गर्दा नेताहरु गाउँका सोझा–साझा जनतालाई झुक्याउँदै विभिन्न प्रलोभन देखाउदै आफुतिर आकर्षण गर्नका लागि हाम्रो गाउँमा मात्र हैन देशका कुना–कुनामा गुमनाममा रहेका गाउँमा पनि टुप्लुक्क पुगेको देखिन्छ । विचरा ति सोझाँ, सामाजीक संजाल नबुझेका जनताको के दोस आज यो पार्टीमा भोलि यो पार्टीमा भनेर फोटो पोष्टाएको । साच्चै जनता चाहिन्छ भने चुनाव मा मात्र हैन हर बखतमा जनतालाई साथ देऊ । चुनावमा मात्र हैन तिमी मर्दा पनि जनताले मलामी बनेर साथ दिने छन ।

गाउँ गाउँमा सिंह दरबार आयो भनेर खुशी हुने, हामी पाँच वर्ष सम्म के उपलब्धी भयो भनेर देखाउने काम छैन । गाउँ जाने बाटा उस्तै छन । नागरिकका दुख पिडा उस्तै छन । कोरोना महामारीबाट थलिएको हाम्रो समुदायमा कुनै उपलब्धी हुनै सकेको छैन । जे गरेउ नि तिम्रा आसे–पासे लाई गरेउ । न त साँच्चीकै कृषकले अनुदान पायो, न त डिग्री पास गरेकोले कुनै काम पायो । चुनावमा देखाएका सपना तिम्रा आफन्ती, आसेपासे मालामाल त भए तर जनताका लागि खै ?
समुदायमा प्रायः घरका सदस्यहरु भारत तथा तेस्रो मुलुक नगएको कुनै पनि घर भेटिदैनन् । वैदेशिक रोजगारमा गएका युवाहरुको चित्कार र पिडा सुन्दा साच्चै तिम्रा बकम्फुसे भाषणले केहि नाप्दैन । रेमिट्यान्सले धानिएको हाम्रो देश तिम्रा चिल्ला कुराले अब केहि गर्ने वाला छैन । अब साच्चै समाज रुपान्तरण गर्न चाहान्छौ भने आउ भिजन लिएर नत्र तिम्रो चिल्ला कुरा जनताले गाउँबाट लखेट्न समय लागाउँदैनन ।

बरोजगारी ले थलिएको हाम्रो समुदायका हामी काम गर्छु भन्दा पनि काम नपाउँदा आफैलाई लाग्छ देश मात्र सुन्दर हो देशमा सासन चलाउने त कालो मन भएका हुन । राजनीतिमा वितृष्णा जगाउने अगुवा वा नेता भनौदाको प्रवृत्तिले हो । राजनीति राम्रो हो तर राजनीति गर्नेहरुको गलत प्रवृत्तिले समाज बिगारेको बुझ्न सकिन्छ । अब साच्चै राजनीति गर्न चाहान्छौ, समाज रुपान्तरण गर्न चाहान्छौ भने आफ्नो कार्यकालमा गर्ने कामको लिष्ट बनाउँ । लिस्ट मात्र हैन प्रतिवद्धता गर, गर्छु मात्र हैन काम गरेर गरेँ भनी जनतालाई देखाऊ । बल्ल तिम्रो राजनीति सफल हुनेछ नत्र जनताले तिमिलाई बुझिसकेका छन ।

यो पार्टी र त्यो पार्टी भन्नु भन्दा पनि राम्रो गर्नेका लागि अवसर देऊ । अगाडी सारम भन्ने कुरा टोल, वस्ती, घसिया, गोठाले, समुह, ज्यामीहरु, कृषक, गृहणी देखि चिया गफमा पनि यो चर्चा चल्न थालेको छ । देउँसै सपना देखाउने देखि सावधान !

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

सांसद थापाद्वारा आन्दोलनरत शिक्षकसंग छलफल

प्यूठान जिल्लाबाट निर्वाचित सङ्घीय सांसद (प्रतिनिधि सभा सदस्य) सूर्य थापाले शिक्षकहरुसंग छलफल गरेका छन् ।...

भ्रष्टाचार नियन्त्रण र सुशासन प्रवर्द्धन सम्वन्धि अन्तरक्रिया माण्डवीमा सम्पन्न

भ्रष्टाचार नियन्त्रण तथा सुशासन प्रवद्र्धन सम्बन्धि अन्तरक्रिया कार्यक्रम माण्डवी गाउँपालिकामा सम्पन्न भएको छ । अख्तियार...

भ्रष्टाचार नियन्त्रण र सुशासन प्रवद्र्धन सम्वन्धि अन्तरक्रिया सरुमारानीमा सम्पन्न

भ्रस्टाचार नियन्त्रण तथा सुशासन प्रवद्र्धन सम्बन्धि अन्तरक्रिया कार्यक्रम सरुमारानीमा सम्पन्न भएको छ । अख्तियार दुरुपयोग...

शिक्षकहरुको आन्दोलन जारी, सुनेनन सरकारको अनुरोध

  सरकारको अनुरोधको बेवास्ता गर्दै शिक्षकहरुको आन्दोलन जारी रहेको छ । सरकारले बैशाख १२ गते...

शिक्षकको आन्दोलनले सरकारी विद्यालय सुनसान, निजीमा धमाधम भर्ना

शिक्षकहरूको आन्दोलनका कारण सरकारी विद्यालयको गतिविधि ठप्प हुँदा निजी विद्यालयले भने धमाधम भर्ना अभियान सञ्चालन...